Bizni ham dangasalar safiga qo'shmang. Ha, kerak.
Argentinaga mos murabbiy bor, faqat u Madridda yashaydi, Milan jamoasi rahbarlari uni o'z klubida ko'rmoqchi, bu mutaxassisning ismi Diego Simeone. Murabbiyning fikricha, uning klubdagi ishlari yakunlangani yo'q, shu sababli hozircha u Argentinani boshqarmoqchi emas.
Bu erda savol tug'iladi: Messichi, ikki etakchi bir jamoada ishlay oladimi yoki "ikki qo'chqorning boshi bir qozonga sig'adimi"? Messi - tajribali rassom. Buni tan olmaslikning iloji yo'q, biroq "Barselona"ning ideal tizimi tufayli u mana shu darajaga etdi.
Hozirgi Argentina terma jamoasida hech qanday tizim yo'q. Sampaoli davrida ham jamoa jahon chempionatida hech narsaga erisha olmadi. Messi "Barselona"dan tashqari har qanday jamoada yoqimli bosh og'riqqa aylanadi. Bazida shirini ko'p, bazida esa og'rig'i.
Sizning xabaringiz bo'lgan bazi fikrlarga ko'ra, texnik zonada kim turishidan qatiy nazar terma jamoani Messi boshqaradi. Aslida bunday emas. O'zingizni Skaloni o'rniga qo'yib ko'ring. Sizga jamoani ishonishdi, tarkibda dunyoning eng yaxshi futbolchisi bor. Siz o'z futbolchilaringizni maydonga tushirishingiz mumkin, ammo ichingizdagi bir ovoz shunday deydi: "Uni maydonga tushir, Leo o'z ishini yaxshi biladi". Messining muammosi ham shunda.
Leo Argentina terma jamoasida obro', mashhurlik borasida o'ziga teng murabbiyni uchratmadi. U kimga quloq solishni, kimga ish buyurishni bilmayapti. Uni egoist deyish noto'g'ri. Messining o'zi shu narsadan azob chekadi. Messi va terma jamoaga o'ziga ishongan tizim ustasi kerak. Sampaol shunga o'xshash mutaxassisdek ko'ringandi, ammo...
Argentina murabbiylar maktabi mutaxassislarga boy. Bu maktab bitta emas, ikkita yoki uchta. Menotti maktabi mavjud. U improvizaciyaga asoslangan. Bilardo maktabi esa raqib o'yiniga moslalishga qaratilgan. Uchinchi maktab Belsaniki. Bu tizim matematik aniqlikka qaratilgan.
Hozir ham tanlov bor. Messi "Barselona"dagi Gvardiola uslubini qo'llashi kerak. Ammo hozirgi "Barsa" ham o'sha davrdagi jamoaga aylanishga katta qiyinchiliklarga duch kelayotganini ko'rib turibmiz. Argentina haqida nima deya olardik? Jamoaning asosiy quroli - imrovizaciya. Biroq bu quroldan o'q chiqmayapti.
Bilardo uslubi (raqib o'yiniga moslashish)ga o'tish kerak deysizmi? Buning iloji yo'q, chunki hozirgi tarkib bilan buni uddalab bo'lmaydi.
Simeoneni olib kelish, 100% g'alaba degani emas, chunki unda ham "90 daqiqa ichida g'alaba qozonish" kitobi yo'q. U avvaliga selekciya bilan shug'ullanishi kerak. Biroq u raqibga moslashishda qiynalmaydi, chunki uning hozirgi tizimi shunday.
Simeonening asosiy dushmani vaqt bo'lardi. Yiliga 10-12ta uchrashuv juda kam. Undan tezda natija talab qilish ham noto'g'ri. Diego Tabares kabi Argentinaning butun tizimini terma jamoanikiga moslashtirishi kerak bo'lardi. SHundagina menottizm va bilardizm orasidagi chalkashlik yakuniga etardi.
Messi Simeonening dushmaniga aylanmaydi. Leo kamroq yugurayotganini hamma payqagan bo'lsa kerak. Bunga sabab futbolchining yoshi emas. SHunchaki uni yugurishga majburlashmayapti.
Biroq Simeone va Messi jamoasi bo'lmaydi. Mutaxassis band. Diego terma jamoaga kelganda, Leo unda bo'lmaydi.
Bosh sahifaga
219