Uchrashuvning har ikki jamoa vakillari faol harakatlari bilan boshlandi. Birinchi bo'lim davomida “Neftchi” vakillari ketma-ket hujumlar tashkil etib, raqiblari darvozasini ishg'ol etish uchun ko'plab imkoniyatlar yuzaga keltirdilar. Mezbonlar tomonidan taklif etilayotgan hujumkor o'yin uslubidan kelib chiqqan xolda “Iftixor” vakillari qarshi hujumda kuchli raqibga munosib qarshilik ko'rsatdilar. Birinchi bo'lim 41-daqiqasiga kelib uchrashuvda hisob ochildi, mezbonlarning chap qanotdan tashkil etgan hujumini Xamidullo Abduxamidov ajoyib zarba bilan golga aylantirib, hisobni ochdi. Tanaffusga qadar har ikki jamoa vakillarida gol kiritish uchun vaziyatlar yuzaga kelgan bo'lsa-da, darvozalarga boshqa gol kiritilmadi. Birinchi bo'lim 1:0 hisobidagi natija bilan yakuniga etdi.
Ikkinchi bo'lim “Neftchi” vakillarining hujumlari bilan boshlandi. Aytish mumkinki, shu kuni uchrashuvda ko'plab vaziyatlarda “Neftchi” vakillariga omad etishmadi. “Iftixor” jamoasi vakillari qarshi hujumda ikkinchi bo'lim davomida bir necha bor “Neftchi” darvozasini ishg'ol etish uchun qulay vaziyatlarga ega bo'ldilar, lekin vaziyatlar samarasiz yakunlandi. Raqib darvozasini ishg'ol etish uchun ketma-ket hujumlar tashkil etayotgan “Neftchi” vakillari uchrashuvning 87-daqiqasida “Iftixor” darvozasiga ikkinchi golni kiritdilar. Mezbonlarning 77-raqamli futbolchisi Islombek Karimov gol urib,hisobni 2:0ga etkazdi. Qiziqarli o'tgan uchrashuv “Neftchi” jamoasining g'alabasi bilan yakunlandi.
A Pro-Liga. 11-tur.
“Neftchi” – “Iftixor” 2:0 (1:0)
Hakamlar: A.Risqullaev , F.Yo'ldoshev, N. Afinogenov
Nazoratchi: A. Klepikov
Komissar: E.Baxtiyorov
Gollar: Xamidullo Abduxamidov 41 (1:0), Islombek Karimov 87 (2:0)
"Neftchi": 16.Xurshid Muxammadov, 2.Asilbek G'oyibjonov, 4.SHodiyor Xojimatov, 7.Islom Toshpo'latov, 11.Hamidullo Abduhamidov, 13.Jamshid Qobulov, 14.Abdujalil Manazarov, 15.Mirjamol Nematov, 19.Alisher Abduvoxidov, 20.Dilyorbek Irmatov, 77.Islombek Karimov
Zaxira: 21.Farrux Turdaliev, 10.Xurshidbek Asqaraliev, 17.Ilhomjon Vahobov, 23.SHaxzodbek Usmonov, 25.Azizbek Muxtorov, 33.Doniyor Madaminov
"Iftixor": 16.Dilhushbek Mo'ydinov, 4. Davronbek Qoraboev, 5.Asrorbek Tilovoldiev,8.Olloyor Solijonov, 10.Dostonbek Bobojonov, 13.SHuhratjon O'rinboev, 18.Nodirxon Kamolov, 20.Izzatbek G'aniev, 21.Jamshidbek To'raqulov, 25.SHoxrux Yo'ldoshev, 90.G'iyosjon Tursunov
Zaxira: 1.Malik Abdulaziz Burxonov, 2.Ahmadxon Ro'ziboev, 3.Javohir Azamov, 9.Dostonjon Rashidov, 14.Bekzod Aliev, 17.Nurullo Mirzajonov, 22.Ozodbek Davronbekov.
Bekzod Tolibov
Bosh sahifaga
590