O'zbekiston terma jamoasi muxlislar klubi diqqatiga!

Ertaga O'zbekiston va Yaman o'rtasidagi o'yinga muxlislar klubi uchun maxsus chipta tayyorlanmoqda. Ushbu chiptalarni O'zbekiston oliy ligasining istalgan klubi fan klubi egasi olishi mumkin. Buning uchun o'z beyjigingiz bilan ertaga 17:00ga qadar "Paxtakor" stadionining markaziy darvozasi (anxor tomondan) yoniga kelishingiz talab etiladi. Terma jamoa muxlislar klubi sardori Abdurahmon Fozilov barcha beyjigi bor muxlislarga stadionga kirish huquqini beruvchi chiptani tarqatadi. 

Malumot uchun, O'zbekiston terma jamoasi muxlislar klubi uchun O'FF tomonidan 7 va 8-sektorlar ajratilgan.