Uchrashuv har ikki jamoa vakillarining faol harakatlari bilan boshlandi. Birinchi bo'lim dastlabki daqilaridanoq hujumga otlangan maydon egalari 8-daqiqada hisobni ochish uchun yaxshi imkoniyatga ega bo'lishdi. Mazkur vaziyatda Iqbol Malikjonovning zarbasini mehmonlar posboni Evgeniy CHeremisin qaytarib qoldi. SHundan so'ng “Qizilqum” jamoasi vakillari ham hujumkorlikni oshirdilar. Birinchi bo'lim 18-daqiqasiga kelib uchrashuvni boshqarib borayotgan bosh hakam SHavkat Nasibullaev mezbonlar darvozasi tomon tomon penalti belgiladi. Belgilangan penaltini “Qizilqum” jamoasining nikaragualik legioneri Smit Medina aniq amalga oshirib, uchrashuvda hisobni ochdi.
O'tkazib yuborilgan goldan so'ng mezbon jamoa futbolchilari hujumkorlikni oshirishdi. Uchrashuvning 42-daqiqasida mezbonlar hujumchisi SHaxboz Erkinovda hisobni tenglashtirish uchun qulay imkoniyat yuzaga kelgandi. Ushbu xolatda uning qanotdan etkazib berilgan to'pga bosh bilan yo'llagan zarbasi samarasiz chiqdi. Birinchi bo'lim mana shu hisob bilan yakuniga etdi.
Ikkinchi bo'limni “Qo'qon -1912” vakillari faol boshladilar va bu tezda o'z samarasini berdi. 49-daqiqada burchakdan oshirilgan to'pni SHaxboz Erkinov mehmonlar darvozasiga boshi bilan aniq yo'llab, hisobni tenglashtirdi. SHundan so'ng o'yin suraati bir oz tushdi. Uchrashuvning 65-daqiqasida zaxiradan o'yinga qo'shilgan Quvondiq Ro'zievning mehmonlar darvozasi tomon yo'llagan kuchli zarbasi ximoyachiga tegib maydonni tark etdi. Ikkinchi bo'lim so'ngiga qadar har ikki jamoa vakillarida raqiblari darvozasiga gol kiritish uchun qulay imkoniyatlar yuzaga kelgan bo'lsa-da, darvozalarga boshqa gol kiritilmadi. O'yinning asosiy vaqt durang natija bilan yakunlandi va qo'shimcha taymlarga navbat berildi.
Qo'shimcha bo'limlarda ham har ikki jamoa vakillari faol o'yin namoyish etdilar. Biroq 15 daqiqalik ikkita qo'shicha taymlarda ham g'olib aniqlanmadi. Mezbonlar safida zahiradan o'yinga qo'shilgan Javohir Esonqulov 112-daqiqada gol urib, hisbni 2:1 ko'rinishiga keltirgan bo'lsa, oradan besh daqiqa o'tib “Qizilqum”ning tajribali fubolchisi Maqsud Karimov mezbonlar darvozasiga jamoasini ikkinchi golini kiritdi. Qo'shimcha bo'limlar 2:2 hisobidagi durang natija bilan yakuniga etdi.
Qo'shimcha bo'limlarda ham g'olib aniqlanmagach, navbat penaltilar seriyasiga keldi. Penaltilar bo'yicha 6:7 hisobi qayd etildi va «Qizilqum» keyingi bosqich yo'llanmasini qo'lga kiritdi.
O'zbekiston kubogi. 3-bosqich
«Qo'qon-1912» - «Qizilqum» 2:2. (Penaltilar bo'yicha 6:7)
Hakamlar: SHavkat Nasibullaev, Timur Galeev, Ravil SHoyaxmitov, Ibroxim Ismoilov.
Nazoratchi: Rashid Aytekov
Komissar: Sardor Qudratullaev
Gollar: Medina Smit 18-pen (0:1), SHaxboz Erkinov 49 (1:1), Javohir Esonqulov 112 (2:1), Maqsud Karimov 117 (2:2)
“Qo'qon-1912”: 1. Islom Abdullaev, 7. Jamshid Hasanov, 11. Timur Hakimov, 15. Oybek Rustamov, 16. Jasur Hasanov, 19. Suhrob Berdiev, 20. Iqbol Malikjonov, 22. SHaxboz Erkinov, 23. Aleksandr Merzlyakov, 65. Marko Milich, 70. Murod Xolmuhammedov.
Zaxira: 25. Sarvar Karimov, 8. Muhammadanas Hasanov, 10. Quvondiq Ro'ziev, 13. Javohir Esonqulov, 14. Avazxon Mamatxo'jaev, 17. Bexruz Sadilloev, 21. Timur Usmonov, 27. Jasur Yoqubov, 99. Dilshod Baratov.
“Qizilqum”: 1. Evgeniy CHeremisin, 4. Erkin Boydullaev, 7. Murod Bobojonov, 10. Alisher Sanoev, 18. Eldor Boymatov, 21. Muhsin Ubaydullaev, 23. SHerali Jo'raev, 25. Azizbek Usmonov, 44. Maqsud Karimov, 97. Suhrob Yarashev, 99. Ariganer Smit Medina
Zaxira: 22. Artyom Makosin, 8. Akmal Rustamov, 19. Mirjalol Qosimov, 28. Sardor Jahonov, 30. Elguja Grigalashvili, 36. Xurshid Olimov.
Bekzod Tolibov tayyorladi.
Suratlar muallifi: Akramjon Mamadaliev
Bosh sahifaga
155