"Championat.asia" saytiga malum bo'lishicha, ayni paytda tarkibni shakllantirish borasida bosh qotirayotgan "temiryo'lchilar" "Navbahor"ning ikki azosi, darvozabon O'tkir Yusupov va yarim himoyachi Oston O'runovga katta qiziqish bildirmoqda.
Hozirda futbolchilarning "Navbahor" bilan shartnoma mavjudligini inobatga olsak, "Lokomotiv" mazkur futbolchilar transferini sotib olishi yoki ijara bo'yicha kelishuvga erishishi talab etiladi.
Biroq "Navbahor"ning joriy mavsumda o'z oldiga yuqori maqsadlarni qo'yayotgani va mazkur futbolchilar allaqachon jamoaning asosiy futbolchilariga aylanganini inobatga olsak, bu futbolchilarni qo'lga kiritish "Loko"ga oson bo'lmaydi.
"Lokomotiv" bosh murabbiyiga aylangan Samvel Babayan matbuot anjumanida reglamentdagi majburiyat, yosh futbolchini o'ynashi kerakligi va bu borada jamoada raqobat yo'qligini hisobga olib, aynan transfer oynasi paytida reglamentdagi majburiyatni bajarishga to'g'ri keladigan yosh toifasidagi futbolchilarni olib kelmoqchi ekanligini takidlagandi.
"Navbahor"dagi Oston O'runov esa aynan reglamentdagi mazkur bandni bajarish yoshidagi futbolchi sanaladi. SHuningdek, Oston O'runov "Paxtakor" akademiyasi tarbiyalanuvchisi va Babayan ushbu futbolchining imkoniyatlarini juda yaxshi biladi.
Babayan terma jamoadagi faoliyati davomida Oston O'runovni hali katta futbolga qadam qo'ymasidan oldinroq, yani 16 yoshidayoq bosh jamoa yig'iniga tajriba to'plashi uchun jalb etgandi.
"Lokomotiv" short-listida shuningdek "Nasaf"da o'ynayotgan chap qanot himoyachisi Xurshid Muxtorov ham bor. "Loko"da esa aynan chap qanotda Oleg Zoteevga raqobatchi yo'q.
Bosh sahifaga
391