Bu haqda saytimiz muxbiri SHahboz Beg'amov xabar qilmoqda.
Andrey Miklyaev istefoga chiqarilgach uning o'rniga asosiy nomzod sifatida Baxtiyor Ashurmatov ko'rilmoqda. Tez orada murabbiy va klub rahbariyati uchrashishi va muzokaralarning yakuniy qismini kelishib olishi kutilmoqda. Agarda tomonlar barcha masalalar bo'yicha kelishuvga erishishsa, unda Baxtiyor Ashurmatov "Surxon" jamoasi boshqaruviga o'tadi.
Qayd etish lozim, Baxtiyor Ashurmatov o'tgan yili AGMK jamoasi bilan O'zbekiston Kubogida zafar quchgan va bu borada ham futbolchi va murabbiy sifatida yutuqqa erishgan Qosimovdan keyingi mutaxassisga aylangandi.
AGMKdan keyin joriy mavsum "Buxoro"ni malum muddat boshqargan Ashurmatov keyinchalik muvaffaqiyatsiz natijalardan va moliyaviy beqarorlik tufayli garchi klub rahbariyati ishonch bildirgan bo'lsada o'z xohishiga ko'ra jamoadan ketishni maqul topgandi.
Eslatib o'tamiz, ayni paytda "Surxon" Superligada 12-turdan keyin 21 ochko to'plagan holda 3-o'rinda bormoqda.
Bosh sahifaga
2055