Hali birinchi davra tugashiga bir tur qolganida 14 jamoadan 7tasida murabbiylar istefoga chiqarildi.
Istefoga chiqarilgan murabbiylar:
"So'g'diyona" — Sergey Lushan
"Buxoro" — Baxtiyor Ashurmatov
"Andijon" — Ildar Sakaev
"Qo'qon-1912" — No'mon Hasanov
"Lokomotiv" — Andrey Fyodorov
"Navbahor" — Andrey Kanchelskis
"Surxon" — Andrey Miklyaev
Ayni paytda faqatgina AGMK, "Paxtakor", "Nasaf", "Dinamo", "Metallurg", "Bunyodkor" va "Qizilqum"da murabbiy almashgani yo'q. Qolgan jamoalar chempionat avvalidagi murabbiylarni istefoga chiqarib, ularning o'rniga boshqa mutaxassislarni jalb etishdi.
"So'g'diyona" — Ulug'bek Baqoev
"Buxoro" — Muhsin Muhammadiev (Tojikiston)
"Andijon" — Aleksandr Xomyakov (Rossiya)
"Qo'qon-1912" — Aziz To'xtaboev
"Lokomotiv" — Samvel Babayan
"Navbahor" — Deyan Jurjevich (Serbiya)
"Surxon" — Baxtiyor Ashurmatov (hali rasman elon qilingani yo'q)
Qayd etish kerakki, chempionat Oliy ligadan Superligaga o'zgargach faqatgina "Nasaf", "Qizilqum" va "Paxtakor" murabbiyni almashtirgani yo'q. Qolgan barcha jamoalarda bu vaqt ichida qator murabbiylar o'zgartirildi. Oliy liganing oxirgi mavsumida va Superligada faoliyat ko'rsatib kelayotgan Ro'ziqul Berdiev, Hamidjon Aktamov va SHota Arveladze uzluksiz muntazam ishlab kelayotgan mutaxassislar sanalishmoqda.
SHuningdek, Superligada Andrey Miklyaev, Ulug'bek Baqoev va Baxtiyor Ashurmatov bittadan ko'p jamoalarda ishlashga ulgurishdi. Miklyaev "Loko"dan so'ng malum vaqt "Surxon"ni boshqardi. Ulug'bek Baqoev o'tgan yili "Buxoro" va joriy mavsumda "So'g'diyona"da ishlamoqda. Baxtiyor Ashurmatov esa AGMK va "Buxoro"dan keyin endilikda "Surxon" boshqaruviga o'tishi kutilmoqda.
Bosh sahifaga
1395