Bugun oson o'yin o'tkazmadik, "Istiqlol" jamoasi ham bejizga A PRO-Ligada birinchi o'rinlarda yurgani yo'q, ular bugun haqiqatdan ham yaxshi shakllangan jamoa ekanligini ko'rsatishdi. "Istiqlol"da kayfiyat ham yaxshi edi, chunki ular so'ngi turda asosiy raqiblaridan biri "Mashal" jamoasini mag'lub etishdi. Baribir bugun bizning futbolchilar mahoratliroq ko'rindi, shu sabab g'alabani oxirigacha ushlab tura oldik deb o'ylayman.
Ikkinchi bo'limni o'yinimiz pasaydi? Albatta, bizda yana ikki kundan keyin o'yin bor, shu sababli hisob 2:0 ko'rinishiga kelgandan so'ng yigitlar o'zlari istamagan xolda keyingi o'yinga tayyorgarlikni boshlab yuborishgan bo'lishi mumkin. Men ulardan ko'p kuch yo'qotmasdan, shu hisobni oxirigacha etkazishlarini so'ragan edim. Uchrashuv so'ngida "Istiqlol" jamoasi gol urib olgach, bizni shoshirib qo'ydi.
Kubok uchrashuvlaridagi maqsadimiz? Biz har bir musobaqada, har bir uchrashuvda yaxshi natija uchun harakat qilamiz, albatta bir necha turnirlarda ishtirok etish oson bo'lmaydi, lekin yuqorida aytganimdek, biz har qanday musobaqada yuqori o'rinlar uchun harakat qilamiz.
Bekzod Tolibov yozib oldi.
Bosh sahifaga
249