Etiborlisi shundaki, taqdirlash marosimi yakuniga etgach Namangan viloyatining barcha tuman hokim o'rinbosarlari, viloyat moliya boshqarmasi vakillari, viloyat sport boshqarmasi boshlig'i, viloyat 2-liga ishtirokchilari murabbiylari, viloyati BO'SM direktor va futbol murabbiylari qatnashdilar. Bunday tadbir O'zbekistonda ilk marotaba Namanganda bo'lib o'tdi.
Tahliliy-tanqidiy yig'ilish davomida Xayrulla Hayitboevich so'nggi yillarda Namangan futbolidagi og'riqli muammo - bolalar futboliga keng to'xtalib o'tdi. Namanganda bo'lib o'tayotgan musobaqada poytaxt klubi Farg'ona viloyati jamoasi bilan o'ynaganidan uyalishi kerakligi, shuncha namanganlik yoshlar imkon qidirib poytaxtga ketib qolayotganini kuyunib gapirdi.
"Qachon Namangan viloyatini yana kuchlilar qatoriga olib chiqamiz, qachonki poydevorni mustahkamlasak. Birlashadigan payt kelmadimi? Nima uchun viloyat 2-liga musobaqasi saviyasi tushib ketdi. Arzimagan xarajatga ega musobaqaga bazi tumanlar jamoa qo'ymadi, nega? Bunday ahvolda qanday qilib "Navbahor"ni TOP jamoaga aylantiramiz. Har yili yangidan xarajat qilinadi, yangidan o'yinchilar olinadi. O'zimizning bolalar qani? BO'SM murabbiylarining malakasi tushib ketgan, direktorlar ularning ustida ishlamay qo'ydi", - deya kuyinib gapirdi hokim.
Hokim Namangan futbolining 10 yillik dasturini ommaga taqdim qildi. Dastur quyidagi bo'limlar asosida ketma-ketlikka ega.
NAMANGANDA 2019-2029 YILLARGA MO'LJALLANGAN HUDUD FUTBOLINI RIVOJLANTIRISH DASTURI
1. VILOYAT FUTBOL FEDERACIYASINI RIVOJLANTIRISH LOYIHASI
2. SHAHAR VA VILOYAT BIRINCHILIGI
3. NAMANGAN MODELINI YARATISH
4. MURABBIYLAR MALAKASINI OSHIRISH
5. BO'SM, IBO'SM, INTERNAT-LICEY VA KOLLEJ
6. 2-LIGA va “NAVBAHOR” O'RINBOSARLARI
7. ASOSIY TARKIB
Dastur asosida 2 oy davomida Namangan futboli monitoring qilinadi. Har bir shahar, har bir tuman va har bir qishloqdagi maktablarda endi selekciya ishlari olib boriladi. Bu borada Namangan futbolining yaqin o'tmishdagi yulduzi SHuhrat Mirxoldirshoevga katta topshiriq berildi. 20 avgustga qadar barcha namanganliklar kelishgan holda yakuniy ish rejasini taqdim etishlari kerak bo'ladi.
O'z navbatida O'zbekiston milliy terma jamoasi sardori Odil Ahmedov ham viloyatda futbolni rivojlantirish yo'lida qo'lidan kelgan barcha yordamni ayamasligini takidlab o'tdi.
2019 - 2020 (kuz - bahor) mavsumida o'zini har tomonlama yaxshi ko'rsatgan 3 nafar BO'SM mamuriga xorijga dam olish uchun chipta taqdim etilishi malum bo'ldi. Rag'bat orqali, BO'SM faoliyatlarini yana avvalgi holatiga olib chiqish bosh maqsad. Endi Respublikadagi eng yaxshi musobaqalarga Namangan viloyati mezbonlik qiladi va bu ishlarga Odil Ahmedov homiylik qiladi. Har yili eng yaxshi namanganlik bolalar murabbiylari xorijda tashkil qilinadigan saviyali musobaqalarga malaka oshirgani yuboriladi.
Bosh sahifaga
124