“Avvalambor uchrashuv haqida to'xtaladigan bo'lsam, o'yin qiyin bo'lgani yo'q. “Orol” jamoasini kuchli ekanligini bilardik, shu sabab uchrashuvga astoydil tayyorgarlik ko'rdik. Murabbiyimiz Asqar Umarov qo'l ostida uchrashuvlarga turlicha taktik sxema bilan tayyorgarlik ko'rmoqdamiz. Bugun ham murabbiyimizlarimizning o'yinga tayyorlagan rejasi ish berib, g'alaba qozonganimizdan xursandmiz.
“Orol" jamoasi haqida to'xtaladgan bo'lsam, bu jamoaning “Yangier” jamoasi bilan o'tkazgan o'yinlarini kuzatib, kuchli jamoa ekanligiga guvoh bo'lgan edik. Jamoamiz tarkibida yo'qotishlar mavjud bo'lsa ham, bugungi uchravuvda g'alaba qozonishni uddaladik.
“G'ijduvon" jamoasiga joriy mavsumda rahbariyat tomonidan B PRO-Ligada g'oliblik uchun kurashib, mavsum yakunida A PRO-Liga yo'llanmasini qo'lga kiritish vazifasi qo'yilgan.
Jamoamizda moliyaviy holat yaxshi, qarzdorlik yo'q. O'z navbatida bizga yaratib berilayotgan sharoit uchun jamoamiz boshlig'i Mamur Otaqulovga jamoamiz futbolchilari nomidan minatdorchilik bildiraman. Nasib bo'lsa jamoamizni kelajakda Superligaga olib chiqmoqchimiz”, - deydi SHuhrat Sadirdinov.
Bekzod Tolibov yozib oldi
Bosh sahifaga
68
