Yangi direktor klub rahbariyati tomonidan akademiya vakillariga o'tkazilgan yig'ilishda tanishtirildi. Futbolchilik faoliyatida yaxshi himoyachi bo'lgani bilan yodda qolgan Ahmedov keyinchalik yosh futbolchilar va murabbiylarni tayyorlashda katta xizmat ko'rsatib, OFK yo'riqchisiga aylangan. Ahmedovga uzoq yillar "Paxtakor" tizimida ishlab kelgan Valeriy Borodavkin yordamchi sifatida ko'maklashadi.
Bugungi kunda "Paxtakor" futbol akademiyasida 7 yoshdan 17 yoshgacha bo'lgan 470 nafar tarbiyalanuvchi futbol sirlarini o'rganmoqda. 11 yosh toifasi bo'yicha ikkitadan jamoa faoliyat ko'rsatmoqda.
Akademiyaning asosiy maqsadlari qatoridan sifatida yoshlarni sog'lom tarbiyalash, yosh futbolchilar o'rtasida sog'lom turmush tarzini vujudga keltirish, tayyorgarlik uchun ilmiy-uslubiy sharoitni rivojlantirish, O'zbekistonning turli yoshdagi terma jamoalariga yuqori saviyali futbolchilarni tayyorlab berish kabi vazifalar o'rin olgan.
Ayni paytda "Paxtakor" FK rahbariyati akademiyani rivojlantirishga katta etibor qaratmoqda. Ishni yanada yaxshiroq yo'lga qo'yish uchun xorijdan mutaxassislar taklif etilmoqda. Bu borada jahonga mashhur «DOUBLE PASS» kompaniyasi bilan hamkorlik va kompaniya xodimlarining bevosita faoliyat ko'rsatishini aytish mumkin.
Yosh o'yinchilar - futbolimiz kelajagi. Ularni turli uslublarni qo'llagan holda doimo o'sib borishlarini taminlash lozim. Aynan shu sababli klub rahbariyati tomonidan akademiya faoliyati qayta ko'rib chiqilmoqda. Yangi direktor Islom Ahmedov muntazam ravishda murabbiylar uchun darslar o'tib borishi ko'zda tutilgan.
Bosh sahifaga
720