Malumki, jamoani shu paytgacha boshqarib kelgan Branko Ivankovich klubni tark etdi va Saudiya Arabistonining "Al Ahli" jamoasini qabul qilib oldi. Natijada eronliklar bir oy ichida boshqa murabbiy topishdi. Bundan buyon argentinalik Gabriel Kalderon "Persepolis"ga ustozlik qiladi.
Kalderon futbolchilik vaqtida 1982 va 1990 yilgi jahon chempionatlarida ishtirok etgan. 59 yoshli mutaxassis uchun Osiyo futboli begona emas, zero u Bahrayn, Ummon va Saudiya Arabistoni terma jamoalarini boshqargan. SHuningdek, Saudiya Arabistonining "Al Hilol" va "Al Ittihod" hamda Qatarning "Qatar SK" klublariga murabbiylik qilgan.
Eronda navbatdagi mavsum 30 iyul kuni start oladi. Yangi murabbiy oldiga "Persepolis"ni ketma-ket to'rtinchi marta mamlakat chempioni qilish vazifasi qo'yildi.
Bosh sahifaga
1816