- O'tgan o'yinlarda O'zbekiston Kubogidan chiqib ketganimiz va Superligada “Bunyodkor”ga alamli mag'lubiyatga uchraganimizdan keyin O'zbekiston Liga Kubogida munosib qatnashishni maqsad qilgandik va bugun Jizzaxda g'alaba qozondik. Vazifamiz turnirda imkon qadar uzoqqa borish. Bugungi o'yin oldidan yigitlarga dam bergandik, qolaversa ko'rgan bo'lsangiz biz ham tarkibdagi 4-5 nafar yigitlarga tatil berdik. O'yin chiroyli o'tdi. Barcha futbolchilarimga imkoniyat berishga intilayapman. “So'g'diyona” jamoasi o'yini ham ancha o'zgargan, ularning chempionatda ko'rsatayotgan natijasi barchasini aytib turibdi.
“So'g'diyona” jamoasiga keyingi o'yinlarda omad tilayman. Jamoamga esa bugungi g'alaba uchun rahmat deyman. Oldingi turda “Surxon” ustidan 5:0 hisobida yutganimizni inobatga olsak, Liga Kubogi keyingi bosqichiga chiqib bo'ldik. Ammo navbatdagi “SHo'rtan”ga qarshi 3-turda ham guruh bosqichini yaxshi kayfiyatda yakunlash uchun boramiz. Bugungi chiroyli futbol uchun ikki jamoaga ham minnatdorchilik bildirish mumkin. Bunday tomoshabop o'yinlar muxlislarga doim yoqadi.
Bosh sahifaga
854