"Bu musobaqani juda yomon boshlagan edik. Bugungi asosiy maqsad guruhdan chiqish edi, buni uddaladik. Raqib safidagi yosh futbolchilar bizga munosib qarshilik ko'rsatishdi. Mavsumning birinchi qismi biz uchun juda uzun bo'ldi. SHunga qaramay bugungi bahsda ham asosiy tarkib bilan o'ynashga qaror qildik.
Bizning futbolchilar "Loko" safida yoshlar ekanini ko'rib biroz xotirjamlikka berilishdi shekilli. O'yin bu o'yin, "Paxtakor"ning har bir rasmiy o'yini klub imidji hisoblanadi. Liga Kubogi ko'plab mamlakatlarda bor va O'zbekistonda adashmasam ilk bor tashkil etilmoqda. Keyinchalik bu musobaqaga etibor kuchayadi deb umid qilaman.
Igor Sergeevga "Persepolis" qiziqayotgan ekan? Men arabcha o'qishni bilmayman. Bu erga mish-mishlarni muhokama qilish uchun yig'ilmadik. Bizga hech qanday rasmiy taklif bo'lgani yo'q.
Nima uchun muxlislar kamayib ketdi? Sababi hozir "chilla". Sababi faqat bu emas. Ammo bazida muxlislar uyda qolishni maqul ko'radi. Talabalar tatilda, ko'plab odamlar shahardan tashqariga chiqib ketishgan, ular qaytishadi va stadionimizda muxlislar ko'payadi.
O'zbek tilini o'rganib oldimmi? Ko'p so'zlarni o'rganib olganman. Turkcha va o'zbekcha bir biriga yaqinroq til bo'lgani bilan farqlari bor. O'zbekistondagi so'nggi matbuot anjumanimda o'zbekcha gapirishga vada beraman.
Akrom Komilov jarohatini davolamoqda. Selekciya ishlari davom etadi. Balki yangi futbolchilarni qo'shib olarmiz. Sidiqov bu mavsumda deyarli maydonga tushmaydi. Sadriddin Abdullaev, Dostonbek Hamdamov va Jasurbek Yaxshiboev esa yaqin kunlarda maydonga qaytishadi deb umid qilaman", - deydi SHota Arveladze.
Bosh sahifaga
2060