Bizga malum bo'lishicha, Temur Kapadzening xizmatlariga "Paxtakor" klubi tomonidan qiziqish mavjud.
Klub yosh mutaxassisni yoshlar jamoasi bosh murabbiyi o'rnida ko'rmoqda.
"Lokomotiv" yoshlari bilan yarim mavsum ishlagan va ayni paytda peshqadam bo'lib turishini taminlagan Kapadzening ishi "Paxtakor" rahbariyatida iliq taassurot qoldirgan.
SHuningdek, "Paxtakor" yoshlar jamoasidan asosiy tarkibga etishib chiqayotgan futbolchilar kamnamo va kerakli darajada emasligi rahbariyatni o'ylantirib qo'ygan. SHu boisdan ham Kapadze nomzodi o'rtaga chiqqan. Agarda klub tomondan rasmiy taklif bo'lsa va tomonlar muzokaralarda o'zaro kelisha olishsa, unda katta ehtimol Temur Kapadze sobiq klubi "Paxtakor"ning yoshlar jamoasi boshqaruvini qo'lga olishi mumkin.
Eslatib o'tamiz, 2017 yilgi mavsumdan keyin futbolchilik faoliyatini tugatgan Kapadze malum vaqt O'zbekiston terma jamoasi bosh murabbiyi sifatida to'rtta o'yinda ishladi va Senegal, Marokash, Eron va Urugvay singari jamoalar bilan o'rtoqlik uchrashuvlarini o'tkazdi. SHuningdek, joriy mavsumdan boshlab "Lokomotiv" yoshlarini boshqargan mutaxassis 13 o'yinda 8 g'alaba, 4 durang va 1 mag'lubiyat qayd etgan holda yosh "temiryo'lchilar"ni turnir jadvali peshqadamiga aylantirdi.
O'tgan haftada esa Kapadze o'z xohishiga ko'ra "Lokomotiv" yoshlar jamoasi boshqaruvidan ketishga qaror qilgandi.
Bosh sahifaga
1830