Mirjalol Qosimov boshchiligidagi jamoa bugun tatildan qaytdi. Olmaliqliklar bugundan boshlab kuniga ikki mahaldan mashg'ulotlar olib borishmoqda. Kechki mashg'ulot Qibraydagi qarorgohda o'tkazilmoqda.
Ayni damda jamoa safiga yangi kelib qo'shilgan futbolchilar mashg'ulotlarda ishtirok etishmoqda.
Avval xabar berganimizdek, AGMK tarkibiga kelib qo'shilgan Erkin Boydullaev va jamoaning sobiq vakili, legioner futbolchi Vladislav Kasminin ham mashg'ulotlarga qo'shilishdi.
Tez orada jamoa safiga yana qator yangi futbolchilar kelishi kutilmoqda. SHuningdek, "Qizilqum"da to'p tepayotgan gruziyalik legioner futbolchi Elguja Grigalashvili ham yaqin orada AGMKga kelish ehtimoli yuqori.
Eslatib o'tamiz, AGMK Superliganing birinchi davrasidan keyin 12 ochko to'plagan holda turnir jadvalining 10-pog'onasidan o'rin olgan. Jamoa kuchli uchlikdagi jamoalardan 9 ochko ortda qolmoqda.
Suratlar muallifi: Jahongir Fayzullaev
Bosh sahifaga
105