Unda Jamshid Asadov boshchiligidagi O'zbekiston terma jamoasi ham ishtirok etadi. Jahon kubogi bahslarining guruh bosqichiga tashlangan qura natijalariga ko'ra, O'zbekiston terma jamoasi musobaqaning "C" guruhidan o'rin olgan va guruhda Ispaniya, Vetnam, Rossiya, Latviya, Sloveniya, Belarus terma jamoalari bilan bahs olib boradi.
Bugun tongda terma jamoamiz vakillari Polshaga yo'l oldi. Terma jamoa bosh murabbiyi Jamshid Asadov safar oldidan o'z fikrlarini bildirib o'tdi:
- Terma jamoamiz mehribonlik uyi tarbiyalanuvchilari o'rtasida Jahon kubogida ishtirok etish uchun Polshaga yo'l olmoqda. Barchadan bizni qo'llab-quvvatlashini va duo qilib turishlarini so'rayman. Bu bizga yanada kuch berishiga aminman. Biz ham o'z navbatida butun xalqimizning ishonchini oqlashga va barchani g'alaba bilan xushnud etishga urinamiz. Maqsadimiz – chempion bo'lib qaytish, - dedi mutaxassis.
Bosh sahifaga
1276