Jamoa uni erkin agent sifatida qo'lga kiritdi. Abreu bunga qadar 29ta (!) jamoada to'p tepishga ulgurgan.
Vashington Sebastyan Abreu 1976 yilning 17 oktyabrida Urugvayning Minas shahrida dunyoga kelgan. U JCH-2010 yarim finalchisi, Kopa Amerika-2011 g'olibi hisoblanadi. Termaning eng samarali o'yinchilari orasida ettinchi o'rinni egallagan.
Abreu 2018 yil dekabrda faoliyatini yakunlagan va 2019 yilning aprel oyida Salvadorning "Santa-Tekla" klubiga bosh murabbiy etib tayinlangan edi. Biroq bir oy o'tib, hali futbol o'ynay olishga ishongan o'yinchi futbolga qaytishga qaror qildi. Yana bir gap: oktyabrda u 43 yoshni qarshilaydi.
Xo'sh, Sebastyan Abreuning o'zi qaytishini qanday nishonladi? Juda oddiy: "Boston River" rahbariyati bilan birgalikda mate ichdi. Ha, aytgancha, Abreuda barcha o'ynagan klublari logotipi tushurilgan kalebas bor (mate ichish uchun maxsus idish). Abreu qaytganini shunday izohladi: "Hali ham futbol o'ynamoqchiman. Eng asosiysi, men bunga tayyorman. Oila azolarim bilan suhbatlashganimdan so'ng, "Boston River" safiga qo'shildim. Men uchun bu yangi va juda jiddiy qaror".
Abreuning faoliyati bilan bog'liq qiziqarli faktlar:
• Laqabi — El Loko (aqldan ozgan)
• 29ta professional klub – futbol tarixidagi mutlaq rekord natija. Umuman olganda, u 34ta jamoaga o'tgan. Biroq bazilarida faqat bir necha marotaba o'ynashga ulgurgan: "Nasonal" (3 marta), "San-Lorenco" (2 marta), "Tekos" (2 marta).
• 11dan ortiq mamlakatda to'p tepgan (Urugvay, Argentina, Ispaniya, Braziliya, Meksika, Isroil, Greciya, Ekvador, Paragvay, Salvador, CHili).
• Abreu hech qachon sobiq jamoalari haqida salbiy fikr bildirmagan. Aksincha, ularga nisbatan hurmati yuqori ekanini bir necha bor takidlagan. Yorqin misol – 2012 yil "Flamengo"ga qarshi bahsda "Figeyrense" safida Abreu zaxira o'rindig'idan joy oldi. Maydondan chiqish paytida u "Figeyrense" futbolkasini echib, termo kiyimidagi "Flamengo" emblemasini o'pib qo'ydi. Tabiiyki, muxlislar futbolchining bu harakatidan qattiq g'azablandilar. Intizom qo'mitasi esa Abreuni Braziliya chempionati doirasidagi 1ta o'yindan chetlatdi. CHunki uning bu ishidan so'ng tartibsizlik kelib chiqishi mumkin deb hisoblagan.
Qizig'i shundaki, u "terma kiyimi"ga o'ynagan klublari logosi, raqami va hattoki farzandlarining suratini ham tushurgan...
• Hujumchi 3ta Kopa Amerika turnirida ishtirok etgan — 1997, 2007 va 2011 yillarda. 2011 yil Urugvay 15-marotaba turnir g'olibi bo'lgan.
• Jamoalarini tez-tez almashtirish "ananasi" tufayli Abreu Ginnes rekordlari kitobiga ham kiritilgan. Etiborlisi shundaki, bor yo'g'i 25ta professional klubda o'ynab — Salvadning "Santa-Tekla" klubidan ketib Braziliyaning "Bangu" jamoasi bilan shartnoma imzolaganida uning ismi kitobda qayd etilgan.
• Abreu faoliyatida 3ta Evropa jamoasi bo'lgan: "Deportivo", "Aris" (Greciya) "Real Sosedad". 2004 yil, Abreu "Nasonal"da to'p tepgan yillar, unga "Inter" taklif bildirdi. Lekin Abreu Italiyaga bormadi va Urugvayda o'ynashni xohlayotganini aytdi. Qizig'i shundaki, oradan bir necha oy o'tib u Meksikaning "Dorados" klubga ko'chib o'tdi.
• Sebastyan Abreu faoliyat yuritgan barcha klublar:
• Abreu faoliyatidagi muhim voqealardan biri – JCH-2010dagi ishtiroki. Bunga qadar Urugvay 1970 yildan buyon mundialning 1/8 final bosqichidan uyog'iga o'tolmayotgan edi. 2010 yil urugvayliklar to'rtinchi o'ringacha chiqdilar. O'sha turnirning chorak finalida Urugvay termasi penaltilar seriyasida Gana ustidan g'alaba qozondi. Abreu esa penaltidan hal qiluvchi golni urishga muvaffaq bo'lgandi.
"Penaltilar seriyasida bosh murabbiyimiz Tabares shunday dedi: "Navbatda tur. Uchinchi bo'lib tepasan". Lekin men oxirgi bo'lib turib oldim. Hal qiluvni golni urishni xohladim" — deydi Abreu.
Futbol dunyosi turli tuman sportchilarni ko'rgan, lekin Sebastyan Abreudakasini topish mushkul vazifa.
Nozima Zaripova tarjimasi
Bosh sahifaga
9943