"Real" Pogbani transfer oynasi yopilishidan oldin sotib olmoqchi

Biroq "Qirollik klubi" rahbariyati transferni yaqin vaqt ichida rasmiylashtirmoqchi emas.

Malumotlarga ko'ra, madridliklar transfer oynasi yakunlanishidan oldin futbolchini xarid qilmoqchi. "Real" prezidenti Florentino Peres xuddi shu taktikani Garet Beyl, Ronaldo va Modrichni sotib olayotganda ishlatgan edi. Ispaniyada transfer oynasi 2 sentyabrda, APLda esa 8 avgustda yopiladi.

"Real" transferni amalga oshirishdan oldin moliyaviy feyr-pleyni buzmaslik uchun murabbiylar shtabi rejalariga kirmagan o'yinchilarni sotib yubormoqchi. Hozir daromad va xarajat o'rtasidagi farq 183 mln. evroni tashkil qiladi. Pogbani sotib olib, sankciyalardan qutilib qolish uchun "Real" Xames, Beyl, Isko, Lukas Vaskes va boshqalarni pullashi lozim.