Andrey Polxovskiy: "Muxlislarga yoqadigan o'yin bo'ldi"
/ Kiritdi: BestMaster O'qilgan: 1034
Futzal bo'yicha Osiyo chempionati doirasidagi Livan - Qirg'iziston (4:4) uchrashuvidan so'ng matbuot anjumani o'tkazildi.
"Biz tasodifiy gollarni urdik deb o'ylamayman. Birinchi bo'limda Livan terma jamoasiga qarshi juda yaxshi o'ynadik. Ikkinchi taymda esa biroz bo'shliqlarni taqdim etdik. Umuman uchrashuv muxlislarga manzur bo'ldi deb o'ylayman. Natija o'yinga mos bo'ldi deyish mumkin", - deya gap boshladi Qirg'iziston bosh murabbiyi Andrey Polxovskiy.
- Qirg'iziston bugun maksimum kuchi bilan o'ynadi deyish mumkinmi?
- Men shogirdlarim ko'rsatgan o'yindan qoniqdim. Lekin bugun o'zimizning barcha imkoniyatlarimizni ishga solib harakat qila oldik deya olmayman. Bunga raqib ham yo'l qo'ymadi.
- Jamoa birinchi bo'limda boshqacha, ikkinchi taymda boshqacha o'ynadi. Buning sababi nimada?
- Biz Livan qanday qarshilik ko'rsatishini ko'rmoqchi edik. SHu bois har ikkala taymda har xil taktika asosida o'ynadik.
- Tanaffusga 2:0 hisobidagi g'alaba bilan chiqib ketgandinglar. SHundan kelib chiqib aytganda, nima deb o'ylaysiz, bugun Qirg'iziston bir ochko ishladimi yoki ikki ochko yo'qotdimi?
- Agarda so'nggi daqiqalarda gol urib mag'lubiyatdan qutulib qolganimizni hisobga oladigan bo'lsak, biz albatta bir ochko ishlab oldik. Lekin bugun biz yomon harakat qilmadik va ikki ochko yo'qotdik deb aytsa ham bo'ladi. CHunki birinchi bo'limda ustunlik biz tarafda bo'lgandi. Ikkinchi taymda tashabbusni qo'ldan boy berdik.
Bosh sahifaga
1410