Fransisko Araujo: "So'nggi soniyalarda gol o'tkazib yuborganimiz alamli bo'ldi"

- Biz birinchi va ikkinchi bshhlimni bir-biriga solishtiradigan bo'lsak, har xil taymlarni o'tkazdik. Birinchi taymda jamoam juda bo'sh o'yin ko'rsatdi. Ikkinchi bo'limda esa o'zimizga keldik va bir qator vaziyatlar yaratdik. Lekin bahsning so'nggi soniyalarida qo'pol xato evaziga g'alabani qo'ldan chiqardik. O'yin davomida ikkita g'alati gol qo'yib yubordik. Men faoliyatim davomida umuman bu kabi golni ko'rmaganman. Bu kabi katta musobaqada bunday kulguli gollarni o'tkazib yubormasligimiz lozim", - dedi Livan terma jamoasi bosh murabbiyi Fransisko Araujo.

- Ikkinchi bo'limda kuchli o'ynadik dedingiz. Tanaffusda futzalchilarga nimalar dedingiz?

- Men ularga faqatgina o'zlarizga o'xshab o'ynanglar, futzaldan lazzat olib harakat qilinglar dedim. Birinchi taymda shogirdlarim biroh hayajonlanib o'ynashdi va shuning uchun dastlabki bo'limni ko'ngildagidek o'tkaza olmadik. Biz Osiyo chempionatida yuqori saviyada o'ynashimiz zarur. CHunki katta turnirda munosib o'ynash kerak. Birinchi bo'limda ham ikkinchisidagi kabi o'ynaganimizda o'zimizga kerakli natijani qayd etardik deb o'ylayman. So'nggi soniyalarda o'tkazib yuborgan golimiz juda qattiq ranjitdi. Bu holat barchamizga alam qildi.

- O'zbekiston - Qirg'iziston uchrashuvida kimga muxlislik qilasiz?

- Men Livanni qo'llab-quvvatlayman va shu jamoa haqida qayg'uraman. Hali guruhdagi vaziyat haqida gapirishga erta.