Avvalambor, futbol uchrashuvlarida stadionga kelib bizni qo'llab-quvvatlab turgan jamoamiz muxlislariga minnatdorchilik bildiraman. Futbolga kirib kelishimda murabbiylarim Nodir aka Xalilov, Jamshid aka Botirovlarni hissasi katta bo'lgan.
Dastlab "Mashal" futbol klubi akademiyasida tahsil olganman. "Zomin" jamoasiga kelib qo'shilishimdan avval "Mashal", "Navbahor" va "Cementchi" jamoalarida o'ynaganman. Ayni damda "Zomin" jamoasi o'z oldiga jiddiy maqsadlarni qo'ymoqda, klub infratuzilmasiga alohida etibor qaratilgan, xususan stadion va bazalar tubdan yangilanmoqda.
Nasib qilsa joriy mavsum yakunida A PRO-Liga yo'llanmasini qo'lga kiritishni, kelajakda Superligaga chiqishni maqsad qilganmiz. Albatta har bir futbolchi orzu qilgani kabi, men ham milliy terma jamoamiz safida maydonga tushishni o'z oldimga vazifa sifatida qo'yganman - deydi SHoxjahon Abbosov.
Malumot uchun, SHoxjahon Abbosov joriy mavsumda "Zomin" safida 10ta uchrashuvda maydonga tushib, raqiblari darvozasiga 11ta gol urdi.
Bekzod Tolibov yozib oldi
Bosh sahifaga
290