Viloyat futbol associaciyasi Kubogi uchun o'tkazilgan musobaqa ham ana shu ezgu maqsadga xizmat qildi, desak mubolag'a bo'lmaydi. Zero, bu turnirda viloyatdagi deyarli barcha shahar va tumanlarning futbol jamoalari ishtirok etdilar. 2008 yilda tug'ilgan bolalardan iborat bo'lgan jamoalar avvaliga guruh bosqichi bahslarida o'zaro kuch sinashdi. Guruh uchrashuvlari 4 hududda – Marhamat, Baliqchi, Qo'rg'ontepa tumanlari va Andijon shahrida tashkil etildi. Mazkur guruhlarda 1 va 2-o'rinni qo'lga kiritgan jamoalar hal qiluvchi bosqichga yo'llanma oldilar.
Hal qiluvchi o'yinlar Andijon shahridagi SHo'rbuloq daxasida joylashgan futbol akaademiyasi stadionida bo'lib o'tdi. Finalda Xo'jaobod tumani jamoasi va Andijon shahri vakillari to'qnash kelishdi. Qiziqarli kechgan bahsda Andijon jamoasi 4:2 xisobida g'olib chiqdi va viloyat futbol associaciyasi Kubogini qo'lga kiritdi. 3-o'rin esa Marhamat hamda Baliqchi futbolchilariga nasib etdi. SHuni qo'shimcha qilish kerakki, ushbu musobaqa davomida futbol akademiyasi murabbiylari bu yil mazkur bilim dargohiga 2008 yilda tug'ilgan bolalar qabul qilinishidan kelib chiqqan holda samarali selekciya ishlarini olib bordilar.
Firdavs Ermatov, Andijon
Bosh sahifaga
1715