Marosim Kuala-Lumpur shahridagi OFK shtab-kvartirasida o'tkaziladi. Unda Osiyo qitasining 40ta terma jamoasi jami 8ta guruhga ajratiladi.
Qura jarayonida jamoalar beshta savatchaga ajratiladi. Savatchalar iyun oyidagi FIFA reytingiga qarab ajratilgan. O'zbekiston terma jamoasi qurada ikkinchi savatchadan joy oladi.
1-savatcha: Eron, Yaponiya, Janubiy Koreya, Avstraliya, Qatar, BAA, Saudiya Arabistoni, Xitoy.
2-savatcha: Iroq, O'ZBEKISTON, Suriya, Livan, Ummon, Qirg'iziston, Vetnam, Iordaniya.
3-savatcha: Falastin, Hindiston, Bahrayn, Tailand, Tojikiston, KXDR, Xitoy Taypei, Filippin.
4-savatcha: Turkmaniston, Myanma, Gonkong, Yaman, Afg'oniston, Maldiv orollari, Kuvayt, Malayziya.
5-savatcha: Indoneziya, Singapur, Nepal, Bangladesh, Mo'g'uliston, Guam, Kambodja, SHri-Lanka yoki Makao.
Mazkur qura tashlash marosimiga ishtirok etish uchun O'FA Birinchi vice-prezidenti Ravshan Ermatov boshchiligidagi delegaciya ham bugun Kuala-Lumpurga etib bordi. Ayni paytda Kuala-Lumpurda bo'lib turgan O'FA rahbariyati qura tashlash marosimidan tashqari, OFK rasmiylari va qator masalalar bo'yicha uchrashuvlar o'tkazishni rejalashtirgan.
Eslatib o'tamiz, saralashning navbatdagi bosqichi joriy yilning 5 sentyabr kuni start oladi va kelasi yilning 9 iyuniga qadar davom etadi. Har bir guruhdan 1-o'rinni egallagan jamoa (8ta) va eng yaxshi ko'rsatkich qayd etgan to'rtta (4ta) ikkinchi o'rin sohibi keyingi bosqichga yo'l oladi.
Izohlarda O'zbekiston terma jamoasi o'rin oladigan guruhda kimlar tushishi mumkinligi borasida o'z variantingizni yozib qoldirishingiz mumkin.
Voqealar rivojini saytimizda kuzatib boring.
Bosh sahifaga
265