O'zbekiston yoshlar terma jamoasi yig'in doirasidagi oxirgi o'yinda “Lokomotiv U-21”ni mag'lub etdi

Saudiya Arabistoni mezbonlik qiladigan saralash bahslariga tayyorgarlik olib borayotgan O'zbekiston yoshlar terma jamoasi poytaxtimizda yig'in o'tkazdi.

Otabek G'ulomxo'jaev boshchiligidagi O'zbekiston yoshlar terma jamoasi 8 iyuldan Toshkentda yig'inga kirishgan edi. Bosh murabbiy terma jamoa o'zagini shakllantirish va terma jamoaga nomzod futbolchilar harakatlarini ko'zdan kechirish maqsadida ushbu yig'inga jami 30 nafar futbolchi chaqirishga qaror qildi.

Yig'in mobaynida 3 ta nazorat uchrashuvi o'tkazilishi ham ko'zda tutilgan edi. Bugun so'nggi o'yin o'tkazildi. Unda terma jamoamizga “Lokomotiv U-21” jamoasi raqiblik qildi. Qiziqarli kechgan o'yinda yoshlar terma jamoamiz 2:1 hisobida g'alaba qozondi.


Sinov-nazorat uchrashuvi
O'zbekiston yo.t.j. – “Lokomotiv U-21” 2:1
Gollar: Ibrohim Ibragimov (49), Husain Norchaev (87) – Ibrohim G'anixonov (20).
O'zbekiston yo.t.j: Amal SHavketov, Alibek Davronov, Jovohir Jo'raev, Saidazamat Mirsaidov, Xurshid Ubaydullaev, Bekzod SHamsiev, Ibrohim Ibragimov, Diyor Holmatov, Abdulaziz Abdusalomov, Asilbek Obidov, Alisher Odilov.
Zaxiradan maydonga tushganlar: Mo'minmirzo Qodirov, Eldor Begimov, Doston Tursunov, Ulug'bek Aknazarov, Husain Norchaev, Tohir Rafaelov, Bobur Sobirov, Asilbek Qayumov, Mirjalol Mirzaev, Muhammadaziz Ibrohimov, Islom Abdullaxonov.

Mazkur o'quv-mashg'ulot yig'ini ertaga o'z nihoyasiga etadi.