Bu haqda Xitoy nashrlaridan biri xabar berdi. Unda yozilishicha Vitor Pereyra shartnomasi yakuniga etayotgan Odil Ahmedovni jamoada olib qolish kerakligi haqida rahbariyatga aytgan.
Muzokaralardan so'ng, Ahmedov va "SHanxay SPIG" o'rtasidagi shartnoma yana 2 yilga uzaytirildi.
Bu xabarga aniqlik kiritish uchun futbolchimiz bilan bog'landik.
"Darhaqiqat klub bilan tuzgan shartnomam uzaytirildi. Menga bildirilgan ishonch uchun jamoa murabbiyi va rahbariyatiga o'z minnatdorchiligimni bildiraman. Klub o'z oldiga har bir qatnashadigan musobaqasida, shu jumladan OCHLda zafar quchish vazifasi qo'ygan. Qolaversa kuchli chempionatda faoliyatimni davom ettirish o'zim uchun ham muhim. Xozir Xitoy chempionati Osiyoning eng kuchli ligalaridan biri ekanligi hech kimga sir emas",-deydi Odil Ahmedov championat.asia saytiga bergan intervyusida.
Malumot uchun, "SHanxay SIPG" yaqindagina braziliyalik Elekson bilan xayrlashgan va uning o'rniga avstriyalik Marko Arnautovichni olib kelgan edi.
Bosh sahifaga
578