"Surxon" yarim himoyachisi Ayubxon Nomanov "Navbahor"ga qaytdi

Jamoa bosh murabbiyi Baxtiyor Ashurmatov barchaning ko'z o'ngida Ayubxon bilan xayrlashdi va uning keyingi faoliyatiga omadlar tiladi, deb xabar berdi "Surxon" klubi matbuot xizmati.

"Navbahor"ning Toshkentdagi qarorgohiga o'tgan mavsumda jamoa sharafini himoya qilgan va joriy mavsumning 1-davrasini Termizning “Surxon” klubida o'tkazgan 28 yoshli yarim himoyachi Ayubxon Nomanov qo'shildi.

Nomanov o'tgan mavsumda “lochinlar” tarkibida 30ta o'yinda maydonda 1936 daqiqa harakat qilib, 1ta gol urgan hamda 1ta golga assistentlik qilgandi.

Yarim himoyachi bugundan “Navbahor” mashg'ulotlariga qo'shildi. Ayubxon Nomanovning harakatlari jamoamizning murabbiylar shtabida yaxshi taassurot qoldirsa, u bilan shartnoma imzolanadi, - deb yozadi “Navbahor” PFK matbuot xizmati.