Malumki, Ernesto Valverde "La Masiya" akademiyasi tarbiyalanuvchisi Xuan Mirandaga ishonch bildirmayapti. O'ng qanot futbolchilari: Nelson Semedu, Serxi Roberto singari o'yinchilar o'tgan mavsum chap qanotda o'ynashganida ijobiy taassurot qoldira olishmadi.
AS nashrining malumotiga ko'ra, kataloniyaliklar chap qanot himoyachisi poziciyasini kuchaytirish maqsadida 3 ta nomzodni aniqlashgan.
Ulardan biri "Betis" azlsi Junior Firpo. 22 yoshli o'yinchi o'tgan mavsum 29 o'yinda 3 ta gol urdi. Uning transfer narxi 40 million evroga baholanmoqda.
Ikkinchi nomzod "Borussiya Dortmund" vakili Rafael Gerreyro bo'lib turibdi. 25 yoshli portugaliyalik bitta chiziqda o'ynashga moslashgan futbolchi hisoblanadi: himoyada ishonchli harakatlanadi va yarim himoyada ham. Uning germaniliklar bilan tuzgan shartnomasi keyingi yil yozda tugaydi. SHuning uchun, "Barsa" uni 25 million evrodan ko'piga sotib olishiga umid qilmoqda.
O'tgan mavsum Gerreyro barcha musobaqalarda 32 o'yinda 6 ta gol urdi. Bundan tashqari, Evro-2016 va UEFA Millatlar ligasi-2019 g'olibi bo'lgan Portugaliya terma jamoasining asosiy o'yinchilaridan biri bo'la oldi.
So'nggi variant sifatida boshqa tajribali himoyachi Rikardo Rodriges keltirilgan. SHveycariyalik himoya markazi va chap qanotida o'ynashi mumkin. Transfermarkt 26 yoshli futbolchini 17 million evroga baholagan. O'tgan mavsum u "Milan" safida 41 o'yinda 4 ta golli uzatmani amalga oshirdi.
Bosh sahifaga
2052