Bir yil oldin Krishtianu Ronaldu "Yuventus"ga CHempionlar ligasida zafar quchishda yordam berish uchun Turinga ko'chib o'tdi. 34 yoshli hujumchining g'alaba va rekordlari haqida ko'p yozamiz. Ammo bu materialda portugaliyalik futbolchi qiz o'rtog'i Jorjina Rodriges va to'rt farzandi bilan qanday yashayotganini aytib beramiz.
UY
Ronaldu "Yuventus"ga o'tishi bilan oilasi uchun o'zi uy izlashni boshladi. Italiya OAV bergan malumotlarga ko'ra, Krishtianu bir necha variantlardan voz kechgan va shaharning markazida joylashgan tepalikdagi qimmatbaho uyni tanlagan. U erga faqat xususiy yo'l orqali kirib borish mumkin. Uning villasi daraxt va o'simliklar yordamida begona ko'zlardan berkitilgan. Aytishlaricha, Ronalduning Turindagi uyi Madriddagiga o'xshagani uchun futbolchi aynan shu villani tanlagan. Unda sakkizda yotoqxona, to'rtta vannaxona va katta oynalar mavjud. Hujumchi zamonaviy arxitektura va dizaynerlik mebellarini yaxshi ko'radi.
Ronaldu ijaraga olgan hudud sal kam 1 gektarni tashkil qiladi. Jahon yulduzining villasida basseyn va trenajer zali bor. Uy oldida katta bog' joylashgan, portugaliyalikning bolalari bog'da sayr qilishni yaxshi ko'rishadi. Xizmatchi va mehmonlar uchun ham uy mavjud. Aytgancha, portugaliyalik o'zi bilan birga bosh-oshpaz, dietolog va fizioterapevtni ham olib kelgan. Hududga ikkita yo'l orqali kirish mumkin, ikkala tomonga soqchilar qo'yilgan.
Bu Turinning elit tumani hisoblanadi, shu sababli portugaliyalikning qo'shnilari ham mashhur insonlar. O'sha "boylar mahallasi"da "Yuventus" prezidenti Andrea Anelli istiqomat qiladi. Bundan tashqari shou-biznez vakillari, katta kompaniya rahbarlari va boy arxitektor hamda rassomlar ushbu hududda yashashadi.
AVTOMOBIL VA SAMOLYOT
Krishtianu maydonda tez harakatlangani kabi trassada ham katta tezlikni yaxshi ko'radi. Oldinroq, portugaliyalik Bugatti La Voiture Noire mashinasini sotib olgani elon qilingan edi. Bu tulporning narxi 11 mln. evro. Ushbu model Franciya kompaniyasining 110 yilligiga bag'ishlangan. Maksimal tezligi 420 km/soat.
Bundan tashqari Krishtianuning shaxsiy samolyoti bor - Gulfstream G650. Bu uchoqning taxminiy narxi 31,7 mln. evro. "Uchadigan kvartira"da divanlar, oshxona va vannaxonalar mavjud. SHunday ekan, har bir parvozdan rohat olasiz.
BIZNES
Ronaldu biznesda turli yo'nalishlarga qiziqadi. U CR7 brendi ostida kiyim, uy va tatil uchun tovarlar ishlab chiqaradigan kompaniyaga egalik qiladi. Bu biznes har yili 6-10 mln. evro miqdorida daromad keltiradi.
Krishtianu Pestana Hotels mehmonxonalar tarmog'iga ham investiciya kiritgan. Madrid, Lissabon, Madeyra va Nyu-Yorkdagi mehmonxonalarni ishga tushirish uchun 37 mln. evro sarflandi. U ushbu tarmoqning 50% akciyalariga egalik qiladi. Keyinroq bu brend Crunch firmasi bilan hamkorlikda trenajer zallarini ochdi.
O'tgan yili Braziliyada "Donna Dolores" (futbolchi onasining ismi shunday) nomli restoranlar tarmog'i yaratilishi haqida elon qilingandi. Bir necha oy oldin esa Ronaldu soch ko'chirib o'tkazish bo'yicha Ispaniyada klinika ochdi. Portugaliyada 10ta klinika bor, ular 35 mingdan ortiq mijozlarga xizmat ko'rsatishdi, bitta operaciyaning narxi 4-7 ming evro atrofida.
Bundan tashqari, "Yuventus" yulduzi turli reklama shartnomalaridan katta daromad oladi. Hamkorlar orasida soat ishlab chiqaruvchi mashhur brend mavjud. Ronaldu Manchesterdagi matbuot-anjumaniga 2 mln. evro turadigan soatda tashrif buyurdi.
OILA BILAN TA'TIL
Ronaldu mavsumni ikki ajoyib g'alaba bilan yakunladi. A Seriyada chempion bo'ldi va Millatlar ligasi g'olibiga aylandi. SHundan so'ng u bolalari va Jorjina bilan tatilga yo'l oldi. Malumotlarga ko'ra, futbolchining oilasi bir hafta Kosta-Navarinoda dam olgan. Greciya kurortida bir kun xordiq chiqarish 8 ming evroni tashkil qilgan. SHunga qaramay futbolchi xizmat ko'rsatishdan mamnun bo'ldi va choy-chaqa sifatida 20 ming evro tashlab ketdi. SHundan so'ng Ronalduning oilasi tatilni Franciya sohillariga ko'chirdi.
Mavsumlar oralig'idagi tatil maroqli o'tgan ko'rinadi. Krishtianu Ronaldu yangi mavsumda rekordlarni yangilashga tayyor. Keyingi maqsad - oltinchi "Oltin to'p" va CHempionlar ligasidagi g'alaba.
Bosh sahifaga
1681