Artur Yunusov: "Birinchi o'yindagi hayajon o'zimizni oqlash uchun asos bo'lmaydi"

"Ko'rganingizdek, o'yin qiyin bo'ldi. Birinchi uchrashuvlar odatda doim qiyin bo'ladi. Biroq, bu o'zimizni oqlash uchun asos bo'lmaydi. Lekin, baribir yigitlarga rahmat. Ikkinchi bo'limda barchasi joyiga tushdi va o'zimizga kelib, o'z o'yinimizni namoyish eta oldik. SHuningdek, muxlislarimizga ham kelib bizni qo'llab-quvvatlab turganliklari uchun rahmat aytib qolaman.

Oldingi turnirlar bilan farq? Bu chempionatda JCHga yo'llanma beriladi. Barcha jamoalar ushbu turnirga o'zlarining eng kuchli tarkiblari bilan tashrif buyuradilar. Turnirga har kim turlicha tayyorgarlik ko'rdi. Qaysidir jamoa Osiyoda, boshqasi Evropada ushbu turnirga tayyorgarlik ko'rdi. Horijiy murabbiylarni taklif qilishgan. Umuman, Toshkentda o'tayotgan ushbu turnir nafaqat biz uchun, raqiblarimiz uchun ham qiyin bo'ladi", - deydi Artur Yunusov.

Aziz To'xtamurodov