“Qizilqum” futbolchilari avvalgi ikki uchrashuvni “Surxon” (1:1) va “So'g'diyona” (0:0)ga qarshi o'tkazishgandi. Yig'in doirasida uchinchi nazorat uchrashuvida ular buxoroliklarni taslim etishdi -3:1.
Navoiyliklar o'yin taqdirini birinchi bo'limdayoq hal etishdi. "Qizilqum" tarkibida ko'rikdan o'tayotgan rossiyalik legioner Ruslan Margiev ikki bor raqib darvozasini ishg'ol etgan bo'lsa, yana bir gol boshqa bir legioner astraliyalik Stiven Lustica hisobiga yozildi.
Mazkur uchrashuvni "Qizilqum" quyidagi tarkibda o'tkazdi: Evgeniy CHeremisin, SHerali Jo'raev, Azizbek Usmonov, Lasha Totadze, Salim Mustafoev, Saidjamol Davlatjonov, Stiven Lustica, Ruslan Margiev, Alisher Sanoev, Doston Ibragimov, Mate Vatcadze.
Ikkinchi bo'limda maydonga tushganlar: Artyom Makosin, Vohid SHodiev, Akmal Rustamov, Humoyun Abdualimov, Mirjalol Qosimov, Muhsin Ubaydullaev, Sardor Jahonov, Nodirxon Kamolov, Suhrob Yarashev.
Jamoa tarkibidagi o'zgarishlarga to'xtaladigan bo'lsak, yana ikki nafar futbolchi Maqsud Karimov va Murod Bobojonov jamoa mashg'ulotlarida ishtirok etishmayapti. SHuningdek, Toshkent yig'inida jamoa tarkibiga kelib qo'shilgan Jalil Kimsanov ham ayni paytda jamoa bilan birga emas.
Navoiylik futbol ishiqibozlariga yaxshi tanish bo'lgan hujumchi Vohid SHodiev, yarim himoyachi Nodirxon Kamolov, asli navoiylik bo'lgan yarim himoyachi, birinchi davrada “Buxoro” sharafini himoya qilgan Doston Ibragimov ayni paytda jamoa ko'rigida bo'lib turishibdi.
“Buxoro”ga qarshi uchrashuvdan keyin futbolchilar qisqa muddatli tatilga chiqishdi. Ikkinchi davraning ilk uchrashuvini “Qizilqum” 26 iyul kuni safarda “Navbahor” jamoasiga qarshi o'tkazadi.
Bosh sahifaga
1087