Kecha Barnetta Zidanni - sharmanda deb atagandi. Bunga Zindanning Beyl haqida bergan intervyusi sabab bo'lgandi.
— Birinchidan, men unga nisbatan behurmatlik qilmadim. Doim bitta gapni aytaman: futbolchilar — klubning eng muhim bo'g'ini, ularni doim qo'llab-quvvatlayman. Ikkinchidan, klub uni sotmoqchi ekanini aytdim xolos.
Uchinchidan, Garet «Bavariya»ga qarshi o'yinda o'zi istagani uchun o'ynamadi. Agar klub uning ketishi borasida muzokara o'tkazayotgan bo'lsa maydonga tushmasligini malum qildi. Hozircha Beyl «Arsenal»ga qarshi bahsda maydonga tushmayman degani yo'q. U odatiy tarzda mashg'ulotlarda ishlamoqda, ko'ramiz, ertaga nima bo'larkin, — deydi murabbiy.
Eslatib o'tamiz, oldinroq Beyl «Bavariya» bilan o'yinni agentining Xitoy klubi bilan muzokara o'tkazayotgani bois o'tkazib yuborgani aytilgandi.
Beyl «Real»da 2013 yildan buyon to'p tepmoqda. Uning yana 3 yillik shartnomasi bor, unga ko'ra har yili 17 million evro maosh olishi kerak.
Bosh sahifaga
2060