O'rtoqlik uchrashuvi: Dinamo Surxonni mag'lub etdi

Nazorat uchrashuviga qaramay, o'yin qiziqarli va asabiy kurashlarga boy bo'ldi.

Uchrashuvda hisob 16-daqiqada “Dinamo” hujumchisi Qadamboy Nurmetov tomonidan ochilgan bo'lsa, 26-daqiqada “Surxon”ning braziliyalik legioneri Pedro Martins muvozanatni tikladi – 1:1.

Goldan keyin hujumkorlikni tushirmagan “Dinamochi”lar 32-daqiqada yana Qadamboy Nurmetovning goli evaziga tanaffusga g'alaba bilan chiqib ketishdi - 1:2.

Ikkinchi bo'limda “Dinamo” bosh murabbiyi Davron Fayziev tarkibni o'zgartirib, aralash tarkibni tushirdi. Jamoamiz safida 30 yoshli yarimhimoyachi Doston Abdurahmonov va aksariyat yosh futbolchilar ham ko'rikda ishtirok etishdi. “Surxon” bosh murabbiyi Baxtiyor Ashurmatov ham tarkibda barcha futbolchilarga imkon berishga intildi.

Ikkinchi taymda ham ikki jamoa ham hisobni o'zgartirish uchun har qancha intilishmasin, yakunda hisob o'zgarmadi va “Dinamo” “Surxon” ustidan g'alabaga erishdi.

Eslatib o'tamiz, “Dinamo” jamoasi bungacha 20 va 21 iyul kunlari “Navbahor” va “Andijon” jamoalariga qarshi nazorat uchrashuvlari o'tkazishgandi. “Dinamo” 27 iyul kuni Superliga 14-turi doirasida Toshkentda “Bunyodkor”ga qarshi maydonga tushadi.

Nazorat uchrashuvi. Toshkent.
23 iyul (seshanba)
«SURXON» - «DINAMO» 1:2

Gollar: Pedro Martins 26 – Qadamboy Nurmetov, 16, 32.
“Surxon”: Asilbek Amonov, Abduqahhor Hojiakbarov, Asror G'ofurov, Rahmatillo Berdimurodov, SHerzod Karimov, Mikola Agapov, Abrorbek Ismoilov, Husniddin G'ofurov, Azam Aliev, SHavkat Salomov, Pedro Martins.
Zaxira: Azamat Ahmedov, Sardor Qobuljonov, De Oliveyra Lukas, Ravshan Xursandov, Abdul Aziz Yusupov, Azamat Allaniyozov, Nozim Bobojonov, Eldor Boymatov, Suhrob Nematov, Duglas Nasimentu, Sanjar Ahmedov, Lukas Silva.

“Dinamo”: Botirali Ergashev, Mirkomil Lokaev, Hakimxon Alamxonov, Akmal Xolmurodov, Jasur Azimov, Ixtiyor Toshpo'latov, Bobur Qosimov, SHohruh Abdurahmonov, Sardor Eminov, Bahodir Nasimov, Qadamboy Nurmetov.
Zaxira: SHohruh Raimov, Siroj Hamroev, Jasur Urinov, Komil SHarofutdinov, Abbos SHodmonov, Dilmurod Karimov, Obid Hakimov, SHarofuddin SHobirov, Doston Abdurahmonov, Damir Temirov, Sanjar Baratov, Amirjon Safarov.
CHetlatishlar: Asror G'ofurov 28 - Bahodir Nasimov 28.