Xabaringiz bor, 7-18 avgust kunlari Tailandda futzal bo'yicha klublar o'rtasida Osiyo chempionati bo'lib o'tadi. Unda O'zbekiston chempioni sifatida AGMK jamoasi vatanimiz sharafini himoya qiladi. Aleksandr Petrov boshchiligidagi AGMK futzal jamoasi mazkur musobaqada qatnashadigan futzalchilar ro'yxatini bugun malum qildi.
Unga ko'ra, jami 14 nafar futzalchilar yakuniy ro'yxatdan o'rin oldi. Tarkibga ikki darvozabon va 12 nafar futzalchilar kiritilgan.
Quyida AGMK jamoasining Osiyo chempionatida qatnashadigan futzalchilar qaydnomasini taqdim etamiz:
1. Rustam Umarov (darvozabon)
2. Abbosbek O'lmasbekov (darvozabon)
3. Mashrab Odilov
4. Ixtiyor Ropiev
5. Ilhomjon Hamroev
6. Husniddin Nishonov
7. Dilshod Rahmatov
8. Davron Valijonov
9. Alan Aminov
10. Akbar Usmonov
11. Temur Berdiev
12. Davron CHoriev
13. Islombek Biyto'raev
14. Anasxon Rahmatov
Bosh murabbiy: Aleksandr Petrov
Aleksandr Petrov boshchiligidagi futzal jamoamiz Tailandda bo'ladigan Osiyo chempionatiga jiddiy taraddud ko'rmoqda. Jamoa tayyorgarlik doirasida Tojikistonning Xo'jand shahrida yig'in o'tkazdi va o'rtoqlik turnirida ishtirok etib, sovrindorga aylandi.
SHuningdek, AGMK futzal jamoamiz Osiyo chempionatiga taraddud ko'rish doirasida 26 iyul kuni Toshkentda O'zbekiston futzal terma jamoasiga qarshi nazorat o'yini o'tkazadi.
Eslatib o'tamiz, jamoamiz futzal bo'yicha klublar o'rtasidagi Osiyo chempionatida "B" guruhidan joy olgan va unda Vetnam klub "Tai Son Nam", Iroqning "Naft Al Vasat" hamda Qatarning "Ar Rayyan" jamoalari bilan kuch sinashadi.
AGMK futzal jamoasi 5 avgust kuni musobaqada qatnashish uchun Tailandga yo'l oladi.
Bosh sahifaga
218