Davralar oralig'ida tarkibini kuchaytirishga urinayotgan Termizning "Surxon" jamoasi navbatdagi transferga qo'l urdi.
O'tgan mavsumda AGMK bilan O'zbekiston Kubogida zafar quchgan SHohnazar Norbekov faoliyatini Termizda davom ettiradigan bo'ldi.
AGMK futbolchisi SHohnazar Norbekov "Surxon"ga ijara huquqi asosida o'tdi. Olmaliqda o'tgan mavsum Baxtiyor Ashurmatov qo'l ostida o'ynagan Norbekov Termizda ham sobiq ustozi bilan hamkorlikda ishlaydigan bo'ldi. Futbolchi kuni kecha AGMK lagerini tark etgan va "Surxon" jamoasiga borib qo'shilgan.
Eslatib o'tamiz, bunga qadar "Surxon" jamoasi o'z tarkibiga mahalliy futbolchilardan yarim himoyachi Eldor Boymatov, Asror G'ofurov, legionerlar Mikola Agapov (Ukraina) va Pedro (Braziliya) kelib qo'shilgandi. SHohnazar Norbekov esa "Surxon"ga davralar oralig'ida qo'shilgan oltinchi yangi futbolchiga aylandi.
Bosh sahifaga
542