Migel Rodrigo: "Yaponiya o'rtacha, Qatar fantastik o'ynadi"

"Qatar ayni paytda kuchli jamoaga aylanib bo'lgan. Tarkibda kuchli futzalchilar bor. Qatar juda yaxshi o'ynadi. Kecha ham aytgandim, bu jamoada kuchli murabbiylar shtabi bor. SHu bois bugungi natija o'yinga yarasha bo'ldi deb o'ylayman", - deydi Migel Rodrigo.

- Bugungi o'yinda jamoaingizning qaysi jihati yoqdi?

- Himoya bo'lishi mumkin. Himoyada tartibli o'ynadik va raqibga hujum qilish imkonini deyarli bermadik. Raqibda 2ta gol urish uchun imkoniyat yuzaga keldi. Yaponiyada mahoratli va tezkor futzalchilar bor. Lekin bugan etakchilarimizning o'yinidan qoniqish hosil qilmadik. Ular o'z darajalarida o'ynay olishmadi.

- Qaysi shogirdingizni o'yini sizga ko'proq yoqdi?

- Darvozabon. Ikkita vaziyatda jamoamizni goldan qutqardi. Jamoaning o'yinidan esa qoniqmadim.

- Yaponiya terma jamoasi aynan bugungi kunda musobaqaga 100 foizga tayyormi? Yoki jamoa musobaqa davomida yanada kuchayib boradimi?

- Albatta o'yinimizni oshirib borishimiz kerak. Himoyalanishda 80 foiz, hujum qilishda 30 foiz potencialimizni ishga soldik deb o'ylayman.

- Biz bilgan oldingi Yaponiya terma jamoasini ko'rmadik...

- Kechagi matbuot anjumanida aytib o'tgandim jamoalarning saviyasi o'sgan. Qatarda kuchli murabbiylar shtabi bor. Bugungi kunda yaxshi futzalchilardan tashqari kuchli murabbiylar shtabi ham kerak. Bugun biz o'rtacha, Qatar fantastik o'ynadi deyish mumkin.

Narzulla Saydullaev