Davron Fayziev mag'lubiyatda barcha aybni o'z bo'yniga oldi va samarqandlik muxlislarga murojaat qildi

"Ikkinchi davrani mag'lubiyat bilan boshlash doim yoqimsiz. Har bir murabbiy g'alaba qozonishni istaydi.

Tarkib tanlashda xatoga yo'l qo'ydim. Bugungi mag'lubiyatda barcha aybni o'z bo'ynimga olaman. SHogirdlarimga ishonaman. Bugungi o'yin muxlislarga yoqdi deb o'ylayman. Ko'p vaziyatlar yaratildi va ko'p gollar urildi. O'tkazilgan gollarda darvozabonimiz emas himoya va yarim himoyachilarimizning aybi ko'proq.

Futbolda kimdir yutadi, kimdir yutqazadi. Uchrashuvdan oldin futbolchilarga birinchi davrani unutishlarini so'ragandim.

Yozgi barcha transferlarni amalga oshirib bo'ldik. Botirali Ergashev va SHohruh Abdurahmonovni "Paxtakor"dan to'liq sotib oldik. Buning o'rniga legioner futbolchi olib kelishim mumkin edi, ammo rahbariyatga aynan shu ikki futbolchi kerakligini aytdim.

Bahodir Nasimov samarqandlik bo'lgani uchun yil oxirigacha ijaraga oldik.

To'g'ri bugun hakam xatoga yo'l qo'ydi. Ammo samarqandlik jonkuyar muxlislarga stadionda hakamni xaqorat qilish yarashmaydi. SHu bois keyingi safar bunday qilmasliklarini iltimos qilib qolardim", - deydi Davron Fayziev.