"Navbahor" safiga yana ikki nafar legioner kelishi kutilmoqda

Tarkibda bugun ham hech qanday o'zgarish kuzatilmadi. Ayni paytda talabchan muxlislarimizni tarkibdagi yangiliklarni intizorlik bilan kutayotganliklarini yaxshi tushinib turibmiz. Lekin, tarkibga biror-bir futbolchi qo'shilmagandan keyin kimdir qo'shildi deb noto'g'ri malumot ham bera olmaymiz. SHu sababli, vaziyatni to'g'ri tushunishlarini so'rab qolamiz. Hozirda klub rahbariyati va jamoa murabbiylar shtabi tarkibni yanada kuchaytirish maqsadida futbolchilar bilan muzokaralarga kirishishgan. Gaplashilayotgan futbolchilarning ikki nafarini xorijik ekanligini aytib o'tish joiz. Legionerlarni yurtimizga etib kelishlari uchun amalga oshiriladigan xujjat ishlari yakuniga etkazildi. Endilikda, ushbu futbolchilarga O'zbekistonga kirishga ruxsat beruvchi viza berilsa kifoya. Bu masala shu kunlarda o'z echimini topishi kerak.  Ertaga bo'lib o'tadigan mashg'ulotlarga esa mahalliy bo'lgan ikki nafar futbolchini qo'shilishi kutilmoqda. Bu borada yangilik bo'lishi bilan rasman malumot beramiz.

Jamoamizning Toshkentdagi yig'inida umumiy hisobda 21 nafar futbolchi ishtirok etmoqda. Muxlislarimizning qiziqishlarini inobatga olgan holda mashg'ulotlarda qatnashayotgan tarkib bilan tanishtirib o'tamiz.

Darvozabonlar: Akmal Ortiqov, Alibek Turobov;
Himoyachilar: Tohir SHamsitdinov, Qahramon Mahammadjonov, Obid Jo'raboev, Igor Golban, Xayrullo Karimov, Azizbek G'ulomxo'jaev;
Yarim himoyachilar: Dilshod Jabborov, Azam Aliev, Otabek Valijonov, Alisher Mahmudov, Akram Bahriddinov, Nodir Mavlonov, Ravshan Aslanov, Sardor Azimov;
Hujumchilar: Mo'ydin Mamazulumov, Timur Ayupov, Oleksandr Pishur, Anvar Rajabov, SHohjahon Abbosov.