Islom Ismoilov: "Turon” hozirdan keyingi yil haqida o'ylamoqda"

“Ikkinchi davraga qattiq tayyorgarlik olib bordik. Ko'plab futbolchilar ketdi va ularni o'rniga ko'plab futbolchilar keldi. Ikkinchi davraga tayyorgarligimiz reja asosida o'tdi. Lekin yaxshi o'yinchilarni chaqirganimiz bilan birinchi o'yin qiyin o'tishi aniq edi. Sababi jamoa yangitdan shakillanyapti. Taxmin qilganimizdek o'yin qiyin bo'ldi. O'yin boshida tezkor gol urdik lekin shundan so'ng bollar o'yinda xotirjamlikka berilishi oqibatida birinchi bo'limda 1:2 hisobida mag'lub bo'ldik. Ikkinchi bo'limda bollar o'zlarini qo'lga oldi va vaziyatlar yaratdik hisob yakunda 5:2 hisobida g'alaba qozondik.

O'yinga keladigan bo'lsak o'yin bizning nazoratda o'tdi. To'g'ri xatolar ko'p va ularni ustida ishlaymiz. Yangi kelgan bollarga ham vaqt kerak, o'yinidan-o'yinga bir-birlari bilan chiqishib o'yinlarimiz yanada yaxshilanib ketadi.

Jamoaga yangi taklif qilingan futbolchilarga keladigan bo'lsak. Birinchi davrada maqsad qilgan edik yaxshi ijrochilarni jamoaga taklif qilishni va jamoa o'zagini keyingi yil uchun hozirdan tayyorlab olishni maqsad qilgan edik. SHuni hisobga olib bir qator yaxshi ijrochilarni jamoaga taklif qildik. Biz ko'z ostimizga olib qo'ygan 60-70% o'yinchilar jamoaga keldi. Ayrimlari bilan turli sabablar bilan shartnoma qila olmadik.

Hozirgi yig'ilgan bollar har tomonlama o'zlarini ko'rsatishga harakat qilishmoqda mashg'ulotlarda borini berib ishlashmoqda. "Neftchi", "SHerdor", "Dinamo" va "Yangier" jamoalaridan o'yinchilarni jamoaga olib keldik”, - deydi Islom Ismoilov.

Abdulaziz Abduvohidov yozib oldi