"Tulkilar" juda katta pul so'rayotgan futbolchiga Manchester shahrining ikki jamoasi davogarlik qilmoqda.
Bu mavzudagi so'nggi xabarlarga ko'ra, 26 yoshli futbolchining o'zi "Qizil iblislar" safiga o'tmoqchi ekanligini malum qilgan. Ammo, tomonlar transfer summasi borasida kelisha olishmayapti.
Biroz avval Maguayrning MYUga o'tayotganini tasdiqlashi mumkin bo'lgan fotofakt tarqaldi. Futbol agenti va "Triple S Sports management" direktori hisoblangan Stiven Bek o'zining instagram sahifasi tarixiga "Manchester Yunayted" muzeyidan rasm joylagan. Garri Maguayr aynan "Triple S Sports management"ning mijozi hisoblanadi. Bu esa ushbu transfer yakunlovchi bosqichda ekanligini anglatayotgandek.
Bundan tashqari, italiyalik taniqli jurnalist Janluka Di Marcio ham kecha Maguayrning "Yunayted"ga o'tishi deyarli hal bo'lganini, jarayon oxirgi bosqichda ekanligini yozgandi.
Malumot uchun, MYU sobiq azosi Ueyn Runi va ayni paytdagi yosh o'yinchisi Jeyms Garner ham "Triple S Sports management" mijozi hisoblanishadi.
Bosh sahifaga
1996