SHu o'rinda statistik malumot sifatida hozirgi kunda "Lokomotiv" safida to'p tepayotgan futbolchilarning nechta o'yinda maydonga tushishganiga etibor qaratamiz. Bunda O'zbekiston milliy chempionatidagi o'yinlardan kelib chiqib "Loko" safida eng ko'p o'yin o'tkazgan futbolchilar ro'yxatini keltirib o'tamiz.
Demak, ayni paytda "Lokomotiv" sharafini himoya qilayotgan futbolchilar orasida jamoa sardori Islom To'xtaxo'jaev eng o'yin o'tkazgan futbolchi bo'lib turibdi. To'xtaxo'jaev shu paytgacha "Loko" tarkibida 182ta o'yinda maydonga tushib, 17ta gol urgan.
Bu borada ikkinchi o'rin Oleg Zoteevga tegishli. Zoteev hisobida 113 o'yin va 7ta gol bor. Uchinchi o'rinda esa Sardor Mirzaev boryapti. "Loko" sharafini munosib himoya qilib kelayotgan yarim himoyachi shu kungacha 110ta uchrashuv o'tkazib, 25ta gol urgan.
Quyida "Lokomotiv" safida eng ko'p o'yin o'tkazgan futbolchilar bilan tanishishingiz mumkin.
1. Islom To'xtaxo'jaev (himoyachi) - 182 o'yin, 17 gol.
2. Oleg Zoteev (himoyachi) - 113 o'yin, 7 gol
3. Sardor Mirzaev (yarim himoyachi) - 110 o'yin, 25 gol
4. Temurxo'ja Abduxoliqov (hujumchi) - 82 o'yin, 46 gol.
5. Mamur Ikromov (darvozabon) - 74 o'yin.
6. Diyor Turopov (yarim himoyachi) - 46 o'yin, 4 gol.
7. Azizbek Amanov (yarim himoyachi) - 32 o'yin, 3 gol.
8. Anzur Ismoilov (himoyachi) - 30 o'yin, 5 gol.
9. Igor Yelich (yarim himoyachi) - 29 o'yin, 2 gol.
Bosh sahifaga
681