“Qizilqum” poytaxt yig'inini boshlamoqda
/ Kiritdi: BestMaster O'qilgan: 1190
Futbol bo'yicha oliy liga uchrashuvlari boshlanishiga tobora oz fursat qolmoqda. Ayni paytda jamoalar bor etiborlarini yangi mavsum hozirligiga qaratishgan.
Navoiyning “Qizilqum” jamoasi azolari qisqa tatildan so'ng 12 fevral, yani bugundan navbatdagi o'quv-mashg'ulot yig'inini tashkil etish uchun Toshkentga tashrif buyuradi.
Rejaga ko'ra, poytaxtda davom etadigan mazkur yig'in doirasida futbolchilarimiz beshta sinov-nazorat uchrashuvi o'tkazadi:
13 fevral. “Qizilqum” - “So'g'diyona”
15 fevral. “Qizilqum” - “Oqtepa”
17 fevral. “Qizilqum” - “Navbahor”
18 fevral. “Qizilqum” - “Qo'qon-1912”
19 fevral. “Qizilqum” - “Metallurg”.
Malumot o'rnida shuni aytish kerakki, 24 yanvar - 7 fevral kunlari Farg'onada uyushtirilgan o'quv-mashg'ulot yig'inidan so'ng, jamoani himoyachi Mirjalol Qurbonov tark etgan. Mirjalol navbatdagi mavsumni qo'qonliklar tarkibida boshlashga yaqin turibdi.
Toshkentda o'tadigan mashg'ulotlarga Nodirxon Kamolov (“Neftchi”), Eliyor Akbarov (“Cementchi”) kabi futbolchilar kelib qo'shilishi kutilmoqda. Murabbiylar shtabi navbatdagi yig'in doirasida yana bir qator boshqa yangi o'yinchilarni ham ko'rikdan o'tkazishni maqsad qilishgan.
Yangi mavsum oldidan “Qizilqum” futbol klubi murabbiylari o'tgan yilgi tarkib o'zagini saqlab qolgan holda Ilhom Yunusov, Alisher Yusupov (“Nasaf”), Otabek Narzullaev (“Buxoro”), Vyacheslav SHevchenko (Ukraina) kabi futbolchilarni jamoaga taklif qilishgan.
Bosh sahifaga
370