Kecha, Falastin terma jamoasi mezbonlarga qarshi to'qnash kelib, 1:2 hisobida imkoniyatni boy berdi. Falastinliklar yarim himoyachisi Islom Batran ikkinchi daqiqada belgilangan penaltini aniq amalga oshirib, hisobni ochgan bo'lsa, iroqliklar Muhannad Abdulrahim hamda Husayn Alining gollari evaziga muvozanatni o'z tomonlariga og'dirishdi. Nuriddin Uld Ali shogirdlari musobaqa doirasidagi ilk bahsda Yamanni taslim (1:0) etishgandi. Iroq esa ochilish uchrashuvida Livanni minimal hisobda (1:0) engandi.
Bugun, Livan 2-tur doirasida Suriyaga qarshi to'qnash kelib, 2:1 hisobida zafar quchdi. Livan safida gollarni Nodir Matar va Moni urgan bo'lsa, raqib yarim himoyachisi Ahmad al-Duni esa javob to'pini kiritdi.
Ertaga, «B» kvartetidan o'rin olgan uchrashuvlar bo'lib o'tadi. Iordaniya termasi Bahraynga qarshi to'qnash kelsa, Saudiya Arabiston esa Quvayt bilan o'ynaydi.
Umuman guruh bosqichi 11 avgust kuni o'z yakuniga etadi. Guruhlarda peshqadamlikni qo'lga kiritgan terma jamoalar turnir g'olibligi uchun hal qiluvchi o'yinda maydonga tushishadi.
Bosh sahifaga
296