Ahmad Heyr El Din: “O'zbekiston hamda Livan terma jamoalari keyingi bosqichga chiqishga yaqin”

Biz Livan terma jamoasi futzalchisi Ahmad Heyr El Din bilan uchrashib o'yin oldidan intervyu oldik.

-  Qirg'iziston terma jamoasiga qarshi o'yinda birinchi bo'lib o'z darvozangizdan ikkita to'p olib chiqdinglar. O'yin yakunlanishiga bir necha daqiqa qolganda hisobda oldinga o'tib oldinglar. Kunda esa himoyada qo'pol xatoga yo'l qo'ydinglar va o'z darvozangizdan 4 to'pni olib chiqdinglar. O'sha o'yindagi xatolardan xulosa chiqardinglarmi?
-  Hamma ham o'ziga yarasha xato qiladi, biz ushbu xatolardan xulosa chiqarishga harakat qildik. Bugungi o'yinda ushbu xatolarni takrorlamaslikka harakat qilamiz. Dunyodagi kuchli jamoalar ham xato qilishadi. Hech kim xatolardan kafolatlanmagan.

-  Saudiya Arabistoni o'yin uslubini o'rganib chiqdinglarmi?
-  Bizning murabbiyiiz ispaniyalik bo'lib juda ham tajribali. Biz Saudiya Arabistoni o'yi taktikasini o'rganib chiqtik. Bugungi o'yinda g'alaba qozonishga harakat qilamiz va butun livanliklarga buni isbotlaymiz.

-  Oldindagi o'yidan nimalarni kutyapsiz?
-  Saudiya Arabistoni bilan avval ikkita o'yin o'tkazganmiz. Ikkala o'yinda ham g'alaba qozonganmiz. Ushbu terma jamoani yaxshi bilamiz. Lekin bugungi kundagi Saudiya Arabistoni terma jamoasi juda ham kuchli hisoblanmoqda. Buni O'zbekistonga qarshi o'yinda ham guvoxi bo'ldik. Ushbu o'yinga tayyormiz va g'alaba qozonishga harakat qilamiz.

-  Guruhdagi raqiblar haqida qanday fikr bildiasiz?
-  Oldindan bir narsani aytish qiyin. SHuning uchun hozircha hech nima deya olmayman. Meni fikrimcha ushbu guruhda O'zbekiston hamda Livan terma jamoalari keyingi bosqichga chiqishga yaqin turipti.   

Jahongir Sotvoldiev suhbatlashdi.