O'tgan mavsumda «Ayaks»ning CHempionlar Ligasidagi ishtiroki sabab mazkur chempionatga qiziquvchilar soni sezilarli ravishda ortgandi. Oldingi gal chempion nomiga so'nggi turda oydinlik kiritilgandi. Yangi mavsum ham bizga ko'p narsalarni vada qilmoqda. Zero, chempionat medallarining amaldagi sohiblari dastlabki turdanoq ochko yo'qotib ulgurishdi.
«Ayaks» birinchi turdayoq ochko yo'qotdi
«Vitess» o'z maydonida amaldagi chempionni qabul qildi. Mavsumlar oralig'ida Hakim Ziyosh, Dushan Tadich, Lasse SHyone, David Neres, Donni van de Beklarni saqlab qola olgan «Ayaks»ning muvaffaqiyatini kutgandik. SHu kuni mehmonlar himoyasining markazida yangi tandem o'ynadi. Lisandro Martines (21 yosh) va Perr Sxyurs (20 yosh) tandemi uchrashuv mobaynida bir necha bor qo'pol xatolarga yo'l qo'ydi. Jamoa himoya chizig'i judayam zaif ko'rindi. Mezbonlarning 2-goli muallifi Rishedli Bazur to'pni egallab olib, bemalol jarima maydonchasiga kirib kelib zarba bergunga qadar hech kim unga qarshilik qilolmadi. Ammo quvnoq hujum chizig'i ikktta to'p kiritib, durangni taminladi. «Real»ga o'tishi tahmin qilinayotgan Doni van de Bek gol urishdan tashqari, Dushan Tadichning goliga hammualliflik qildi va uchrashuvning eng yaxshi futbolchisi deb topildi. Jamoa etakchisi Deyli Blind esa tayanch zonasidagi faolligi bilan ajralib turdi.
 Vitesse Matus Bero - 13', Riechedly Bazoer - 55' | Eredivisie . 1-tur 03/08/2019, 21:30 2 : 2 Tugadi |  Ajax Donny van de Beek - 30', Dusan Tadic - 75' |
Stadion: Gelredome, 18100 tomoshabin
Bosh hakam: Bas Nijhuis
PSV va «Feynoord» debyutantlarini mag'lub etolmadi
«Tvente» maydonida mehmon bo'lgan eydxovenliklar 1:1 hisobi bilan ortga qaytishdi. Dastlab, mezbonlar vakili Keito Nakamura qanotdagi reydidan so'ng, o'zining superzarbasi bilan hisobni ochdi. 2000 yilda tug'ilgan yaponiyalik futbolchi «samuraylar»ning yangi yulduziga aylansa, ajab emas. Bizning 19 yoshli futbolchilarimiz uchun Superligamiz klublarining asosiy tarkibida joy topilmayotgan bir paytda havas qilsa, arzigulik natija. 65-daqiqada burchakdan uzatilgan to'pni boshi bilan darvozaga yo'llagan Dyumfris Mark van Bommel jamoasiga bir ochko keltirdi. Umidli yaponiyalik futbolchi bahsning eng yaxshi futbolchisi deb topildi.
 Teglar: gollandiya, 1-tur, sharhi, ayaksning, muvaffaqiyatsizligi, boshqa, sensaciyalar, ← OldingaOrqaga → Fikr bildirish
|
Bosh sahifaga
2136