Bugun bir guruh hamyurtlarimiz qatori championat.asia sayti asoschilaridan biri, hayotini futbol va sportsiz tasavvur qila olmaydigan ajoyib inson, rahbarimiz G'ayrat Xasbiullin ham o'z tug'ilgan kunini nishonlayapti.
Yo'q, u unutilmas kunni oilasi davrasida emas, ishda, hamkasblar bilan o'tkazyapti. CHunki, ayni futbol mavsumi, saytda ish qizg'in. Bir fursat tin olishga vaqt yo'q.
G'ayrat aka haqida juda ko'p va xo'p gapirish mumkin. Mavzu yuzasidan kim bilan suhbatlashmaylik, hamma birdek iliq fikr bildiradi.
2010 yilning oktyabr oyida test rejimida ish boshlagan championat.uz sayti o'sha yilning dekabrida rasman o'z faoliyatini yo'lga qo'ygan. 2013 yildan boshlab esa sevimli saytingiz championat.asia deya yuritila boshlangan. G'ayrat Xasbiullin ilk kunlardanoq sayt rivoji yo'lida qamishdan bellarni mahkam bog'lab, ishga kirishgan.
Fursatdan foydalanib, saytimiz rahbari G'ayrat Xasbiullinni bugungi unutilmas sana bilan muborakbod etamiz. Bu tilaklarga hamkasblar, katta va ahil kollektiv qatorida siz aziz o'quvchilar ham qo'shilasiz degan umiddamiz.
Bosh sahifaga
1895