Joriy yilgi mavsumdan etiboran G'uzorning “SHo'rtan” jamoasiga ustozlik qilayotgan tajribali mutaxassis bugun 59 yoshni qarshi olmoqda. Sergey Gennadevich o'z davrida futbolchi sifatida mamlakatimizning nomdor jamoasi “Paxtakor” (Toshkent), “Traktor” (Toshkent), “Zvezda” (Jizzax), “Navbahor” (Namangan), “So'g'diyona” (Jizzax), “Nurafshon” (Buxoro) kabi klublarida to'p surdi.
Murabbiy sifatida “Xorazm” (Urganch), “Qibray” (Toshkent viloyati), “Paxtakor” (Toshkent), “Lokomotiv” (Toshkent), “Navbahor” (Namangan), “Dinamo” (Samarqand), “Neftchi” (Farg'ona), “Andijon” (Andijon), “Qo'qon-1912” (Qo'qon), “Surxon” (Termiz) va “SHo'rtan” (G'uzor) kabi jamoalarda faoliyat olib bordi. Eslatib o'tish joiz, Sergey Kovshov bundan avval 2007 yilgi mavsumda ham G'uzorda ishlagan edi. Demoqchimizki, uning uchun “SHo'rtan” jamoasi begona emas.
Fursatdan foydalanib, “SHo'rtan” Professional futbol klubi rahbariyati, ishchi-xodimlari, murabbiylari, futbolchilari va ko'p ming sonli muxlislari nomidan Sergey Gennadevich Kovshovni bugungi tug'ilgan kuni bilan samimiy qutlaymiz. “Oq bo'rilar” jamoasining bosh murabbiyiga avvalo sog'lik-salomatlik, oilaviy tinchlik va xotirjamlik hamda G'uzor jamoasini yana Superligaga olib chiqish yo'lidagi harakatlariga omad tilaymiz!
“SHo'rtan” PFK matbuot xizmati bo'limi
Bosh sahifaga
2130