Asror Gafurovga Serbiya klubidan taklif tushdi
/ Kiritdi: BestMaster O'qilgan: 1343
Xabaringiz bor, 2015 yilning yanvarida Turkiya birinchi ligasi ishtirokchisi “Manisaspor”ga ko'chib o'tgan “Paxtakor” futbol akademiyasi tarbiyalanuvchisi Asror Gafurov ushbu jamoa bilan tuzilgan shartnomasini yaqinda bekor qilgan edi.
Boisi yosh istedodli himoyachi 3,5 yillik shartnoma imzolagan mazkur klub o'tgan mavsum yakunlariga ko'ra Turkiyaning ikkinchi ligasiga tushib ketdi. Qoidaga ko'ra, ikkinchi ligada legioner futbolchi to'p surishi mumkin emas. Qolaversa, hamyurtimiz ham bu ligada o'ynash niyatida bo'lmagani sababli tomonlar o'zaro kelishgan holda o'rtadagi shartnomani bekor qilishgandi.
Malum bo'lishicha, o'tgan yili Turk birinchi ligasida porlab chiqqan qanot himoyachimizga Serbiyadan chaqiruv bo'lmoqda. Serb super ligasida ishtirok etadigan jamoalardan biri Asrorni o'z safida ko'rish niyatida. SHu boisdan hozirda uning agenti mazkur masala yuzasidan muzokaralarga kirishdi. Agar barchasi muvaffaqiyatli yakunlanib, tomonlar o'zaro kelisha olishsa, Serbiya chempionatida to'p suradigan o'zbekistonlik futbolchilar soni ikki nafarga etadi.
Bilasiz, hozirda Serbiyaning “Yavor” klubida O'zbekiston milliy terma jamoasiga nomzod futbolchi Husniddin G'ofurov faoliyat olib bormoqda.
Bosh sahifaga
1365