Xususan, Xorazm viloyatida turnirning ikkinchi bosqichi bayramona tarzda uyushtirilmoqda. Bu “millionlar o'yini” ixlosmandlarida nafaqat futbol uchrashuvi, buning barobarida, o'ziga xos sport bayrami sifatida ham katta tassurotlar qoldiryapti. Binobarin, har bir uchrashuv oldidan tashkil etilayotgan yosh sportchilarning ko'rgazmali chiqishlari, sanatkorlarning keng qamrovli koncert dasturi tomoshabinlarga xush kayfiyat ulashayotir.
Xonqa tumani bosqichining hal qiluvchi uchrashuvi Sarapoyon qishlog'ida bo'lib o'tdi. Unda “Gulg'uncha” va “Do'rman” mahallalarining jamoalari o'zaro bahs yuritishdi. Ishqibozlarga ko'plab hayojonli daqiqalarni ulashgan mazkur bellashuvda “Gulg'uncha” jamoasi 2:1 hisobida g'alaba qozonib, viloyat bosqichi ishtirokchisiga aylandi.
Yangiariq tumani bosqichining hal qiluvchi uchrashuvi Bolalar-o'smirlar sport maktabining stadionida o'tkazildi. Final uchrashuvida “Qarmish” va “Yangiariq” mahallalarining jamoalari maydonga tushishdi. Ushbu uchrashuvning asosiy vaqtida durang natija qayd qilindi. Natijada, qo'shimcha bo'limlar ajratishga to'g'ri keldi. O'yinning mazkur qismida xujumkor o'yin namoyish qilgan “Yangiariq”liklar muhim g'alabani qo'lga kiritishdi, 4:3. Ushbu yutuq tuman markazi futbolchilariga “CHarm to'p” musobaqasining viloyat bosqichida qatnashish huquqini berdi.
Hozirda vohaning boshqa hududlarida ham “CHarm to'p” turnirining ikkinchi bosqichi g'oliblari aniqlanmoqda. Musobaqaning Xorazm viloyati bosqichi esa joriy yilning 12-13 avgust kunlari Urganch ixtisoslashtirilgan olimpiya zaxiralari maktab-internatining stadionida bo'lib o'tadi.
Ikrom XUDOYBERGANOV, Xorazm viloyatidan.
Bosh sahifaga
541