"Lokomotiv" U-13 va U-15 tayyorlov guruhlari musobaqasini boshladi

Malumki, ushbu musobaqada Superliga va Proliga jamoalari qoshidagi futbol maktablari tarbiyalanuvchilari ishtirok etadi. 

"Lokomotiv" futbol maktabi ham bunda ikkita yosh toifasida ishtirok etmoqda. U-13 jamoasida 2006 yil tug'ilgan tarbiyalanuvchilarimiz (bosh murabbiy Sunnat Ro'ziev) va U-15 jamoasida 2005 yilda tug'ilgan futbolchilar (bosh murabbiy Saydullo Tursunov) to'p tepmoqda. 

Aslida U-15 jamoasida 2004 yilda tug'ilganlar o'ynashi lozim edi, biroq "Lokomotiv" PFK rahbariyati qaroriga ko'ra bir yosh kichiklarni o'ynatish lozim topildi. U-13 jamoamiz dastlabki turni "Bunyodkor"ga qarshi o'tkazib, 1:0 hisobida zafar quchdi. U-15 nomidan o'ynayotgan 2005 yilda tug'ilgan tarbiyalanuvchilarimiz ilk turda "Bunyodkor"ning 2004 yilgi futbolchilariga qarshi maydonga tushib, 0:4 hisobida mag'lub bo'lishdi. 

2-tur bahslari 6 avgust kuni "Paxtakor" bilan bo'lib o'tishi kerak edi, biroq bu o'yinlar boshqa kunga qoldirildi. 3-turni "Loko" tarbiyalanuvchilari 12 avgust kuni uyda "Metallurg"ga qarshi o'tkazishadi. Har ikkala bahs TTYMI stadionida bo'lib o'tadi va 9:00 hamda 10:00da boshlanadi.